Steingrímur vesalingurinn J. og hans lítilsigldu aftaníossar

Miðað við framgöngu Steingríms J. og hans nánustu í VG er ekki annað að sjá en það einkennilega fólk vinni að því öllum árum að kljúfa flokkinn. Ef það er ekki klofningsiðja af verstu tegund að svíkja stefnu flokksins, flokksfélaga og kjósendur og leggja einstaka þingmenn, já og í sumum tilfellum óbreytta flokksmenn, í einelti, veit ég ekki hvað siðleysi og klofningsiðja í pólitík er.

Ef einhverjir eiga að yfirgefa þingflokk VG eru það Steingrímur vesalingurinn J. og hans lítilsigldu aftaníossar í þingflokknum.

Ég skil vel að Lilja Mósesdóttir íhugi að yfirgefa þingflokksherbergi VG, það er nefnilega ekki öllum hent að sitja til langframa undir yfirgangi siðleysingja.

Og úr því sem komið er, er sennilega heiðarlegast og best fyrir alla, að Lilja, Atli, Ásmundur Einar, Guðfríður Lilja, Jón Bjarnason og Ögmundur, ásamt öðrum í vinstri armi VG, segi skilið við flokkinn og einbeiti sér að því að stofna nýjan stjórnmálaflokk. Ekki þurfa þau að vera hrædd um að ekki sé efniviður fyrir hendi í slíkan flokk, því hann er sannarlega nægur.

Lilja íhugar úrsögn úr þingflokki VG

Athugasemdir

[Óskar Guðmundsson, 28.12.2010 kl. 10:27]

Nágríms-kvæði.

 

 

Vömb á vinstri grænum sila-keppi

með krullu-koll er Daó gaf í arf

Skakast meðan lullar latur seppi

milli staða er ekki skera þarf.

 

 

Finnst þó mannsa ill hann örlög hjóti

við grautarpottinn vildi finna feitt

Er þó von að garmur um allt hnjóti

hann vanur er að gera ekki neitt!

 

 

Stóryrði hann hafði mörg í munni

en lítið segir aftir hálfann hring

Á einu ári ljóst að aðeins kunni

hvernig á að sprengja okkar þing.

 

 

Nágrímur þú fúli gamli skröggur

Nornar arm tak ok svo út þú gakk

Ekki margar eftir ykkar föggur

enda ruglað félagsmála-pakk.

[Níels A. Ársælsson., 28.12.2010 kl. 13:54]

Góðir .....

[Eggert Hjelm Herbertsson, 28.12.2010 kl. 16:15]

Hvað er það í málflutningi og/eða stefnu Lilju Mósesdóttur sem gera hana svona extra vinstrisinnaða? Flatar afskriftir af lánum sem koma efnuðu fólki hvað best? Skattlagning á séreignalífeyrssparnað sem kemur lífeyrisþegum nútímans verst?

Mér finnst hún vaða úr einu í annað og vera varla sammála sér sjálfri á köflum.

[Jóhannes Ragnarsson, 28.12.2010 kl. 16:34]

Það vill víst þannig til, Eggert, að Lilja Mósesdóttir er talsvert lengra til vinstri en Steingríms/Áfheiðar/Svavarsarmurinn, að maður minnist nú ekki á Samfylkinguna sem er hreinn hægriflokkur. Auk þess er Lilja allsekki ein á báti. Ögmundur, Jón Bjarna, Atli Gísla, Guðfríður Lilja eru þar líka um borð, ásamt öllu rótækasta fólkinu í VG og fjölda annarra sem ekki eru flokksbundnir í VG eða öðrum flokkum.

Hvað varðar flatar afskriftir eða óflatar, þá er ég ekki viss um hvað er meira hægra eða vinstri í þeim efnum. Skattlagningin á séreignalífeyrissparnaðinum er fyrst og síðast hugsaður til að verja velferðina í landinu í ljósi aðstæðna.

En þegar kemur að skjaldborginni sem Jóhanna og Steingrímur hafa slegið um fjármagnseigendur, kvótakerfið, gamla Ísland og kapítalismann skilja leiðir algjörlega.