Jóhannes Ragnarsson

31.12.2010 | 17:06

Hugleiddu það Jóhanna Sigurðardóttir

Æji, góða Jóhanna hættu þessu helvítis kjaftæði, þú hefur fyrir það fyrsta ekki hugmynd um hvað þjóðin er að hugsa og biðja, því annars stæðir þú ekki blóðug upp að öxlum við að endurreisa gamla Ísland og fylginauta þess, samtrygginguna, spillinguna, lýgina og hræsnina. Það ríkir engin sátt um þá vegferð sem stjórnmálaelítan er á og á meðan svo er verður Jóhönnu Sigurðardóttur ekki að ósk sinn að allir haldi kjafti, innan þings og utan.

Krafa fólksins í landinu er réttlæti, raunverulegt réttlæti, ekki réttlæti gamla Íslands Jóhönnu, Steingríms, Bjarna Ben og húskarla Framsóknarmaddömunnar.

Krafa fólksins er um gjörbreytt vinnubrögð og önnur gildi á flestum sviðum þjófélagsins.

Krafa fólksins er að hundingjar efnahagshrunsins, stjórnmálamenn, fjármála- og efnahagsglæpamenn, verði á engann hátt endurreistir, heldur fá makleg mála gjöld í samræmi við það sem þeir hafa til unnið.

Ef stjórnvöld ætla ótrauð að sigla sinn sjó í þágu AGS, ESB, fjármagnseigenda, LÍÚ, Icesave, gömlu kapítalísku samtryggingarinnar, óréttlætisins og hrokans, munu þau bráðlega stranda á því skeri sem heitir Fólkið í landinu, en það er sá steinn í götu Jóhönnu og Steingríms sem þau komast ekki yfir.

Ef hugsjón hins spillta samtryggingarliðs um endurreisn gamla Ísland verður haldið til streitu verðu henni mætt með byltingu ef með þarf, ekki karpi. Hugleiddu það Jóhanna Sigurðardóttir, sem og aðrir spillingapésar á snærum samtryggingar auðvaldsins.

	Hættum þessu karpi
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt s.d. kl. 17:57 | Facebook

Athugasemdir

Það er greinilegt á efri myndinni hjá þér að Steingrímur hefur áttað sig á því að hálsinn stjórnar höfðinu þar sem hann er í hrókasamræðum við háls forsætisráðherra en höfuð ríkisstjórnarinnar horfir andaktug á með skilningssljóum augum.

Gleðilegt ár og takk fyrir mjög góða kafla á blogginu á líðandi ári.

Umrenningur, 31.12.2010 kl. 19:01