Gleðitíðindi fyrir þjóðina, en einkum þó íhaldsframsóknarkratíuna

Varla verður annað sag en talsvert eggjahljóð hafi verið í Siv Friðleifsdóttur, einni fræknustu griðkonu gömlu Framsóknarmaddömunnar, í morgun. Og ljóst má vera að í Framsóknarfjósinu eru kviknaðar líflegar vonir um að brátt fái húskarlar þar og griðkonur ráðherrastóla undir hrunsþefjandi rassa sína. 

Auðvitað er mjög gleðilegt fyrir þjóðina að fá lágkúlegar strengjabrúður Halldórs Ásgrímssonar og Finns Ingólfssonar í ríkisstjórn, það er sem maður segir, gott skref í þá átt að endurreisa gamla Ísland. Og vissulega munu Steingrímur J. og Samfylkingin taka vel á móti skipbrotsliði Framsóknarmaddömunnar og leiða það undir lúðrabæstri að ríkisstjórnarborðinu.

Já, íhaldsframsóknarkratían lætur ekki að sér hæða, fremur en fyrri daginn, og vonandi tekst oddvitum ríkisstjórnarinnar að hrekja sexmenningana í vinstriarmi VG af höndum sér, enda er ómögulegt að dröslast til lengdar með fólk sem á bágt með að svíkja flokk sinn og kjósendur, en taka í þeirra stað með sér í vistna húskarla Framsóknarmaddömunnar og griðkonur á boð við Sigmund Davíð, Siv Friðleifs, Gvend Steingríms og Vidísi Hauks.

Það er ekkert smá glæsileg framtíð sem bíður þjóðarinnar ef Samfylkingunni og hægri fálmurunum í VG tekst að landa Framsóknarmaddöminni, þó hrörleg sé og andfúl, berrassaðri uppí til sín. 

Ekki hrifin af þjóðstjórn

Athugasemdir

[Magnús Sigurðsson, 4.1.2011 kl. 10:01]

Liðið er að tala sig inn í samkomulag um að samþykkja icesave.  Siv veit að hún verður að gera allt til að koma í veg fyrir ótímabært atvinnuleysi sitt og það gerir hún best með því að koma í veg fyrir að kosningar verði fyrr en eftir tvö rúm tvö ár.

En að öðru, hefurðu eitthvað frétt af því hvernig þau höfðu það um áramótin Kolbeinn og frú Ingveldur?  og er ekki kominn tími til að auglýsa eftir Máríu í fjölmiðlum?

[Jóhannes Ragnarsson, 4.1.2011 kl. 10:04]

Ég þarf að grenslast fyrir um athafnir frú Ingveldar og Kolbeins um áramótin. Mér segir svo hugur að þau hefi ekki setið aðgerðarlaus þá.