Mótmælastaða og aðgerðir til að frelsa Sigurjón fyrrverandi bankastjóra

Eflaust er mikið spáð og spekúlerað þessa stundina um handtöku Sigurjóns Þ. Árnasonar, fyrrverandi bankastjóra. Og satt að segja kemur þessi handtaka eins og reiðarslag yfir þjóðina, þó svo að eflaust séu til illa innrættir menn sem fyllast innilegri þórðargleði við að heyra þessa frétt og í framhaldi af því að fimbulfamba í heimskuþrunginni illgirni sínni um réttlæti og vel unnið verk sérstaks saksóknara.

Ekki veit ég hvað unnið er með því að siga lögreglunni á jafn myndarlegan og gáfaðan mann eins og Sigurjón Þ. fyrrverandi bankastjóra, nema ef vera skyldi að skemmta Skrattanum og litlu skröttunum sem þrífast á andstyggilegum kjaftasögum og óförum annarra. 

Nú ríður á að fólk standi saman og mótmæli handtöku Sigurjóns Þ. Árnasonar, fyrrverandi bankastjóra. Ég heimta að boðað verði til útifundar í hádeginu í dag fyrir framan lögreglustöðina við Hverfisgötu og fólk mæti þar þúsundum saman með barefli, axir og helst skotvopn, geri árás og frelsi Sigurjón. 

Lögregla flutti Sigurjón brott

Athugasemdir

[corvus corax, 14.1.2011 kl. 09:58]

Það þarf nú líka að skoða stöðu kellíngarinnar sem sat sem bankastjóri Landsbankans með velþóknun og í skjóli fjármálaráðherra. Og svo þarf að taka næst kúlulánadrottninguna úr Kaupþingsmafíunni. Athyglisvert er að Yngvi Örn skyldi yfirheyrður og fróðlegt að fylgjast með hvaða stöðu hann hefur og fær í málinu en hann er sá sem Samfylkingin og Árni Páll óhæfi ráðherra hafa lagt ofurkapp á að redda vel borguðum og öruggum bitlingi hjá ríkinu.

[Valdimar Samúelsson, 14.1.2011 kl. 10:08]

Þú ert að grínast en þa' á að loka þetta fólk allt inni á litlahrauni. Það er hægt að senda útlendinganna heim í járnum og seta bannkaamenn inn.  

[Níels A. Ársælsson., 14.1.2011 kl. 10:25]

..

[Magnús Sigurðsson, 14.1.2011 kl. 12:58]