Það sem koma skal

Þær reytast jafnt þétt fjaðrinar af Vinstrihreyfingunni grænu framboði og skal engann undra. Gamla ljóta flokkseigendaklíkan, sem reyndist býsna liðtæk við að leggja Alþýðubandalagið sáluga af velli, er nú langt komin með að stúta VG. Þetta undarlega klíkuslekti er haldin þeirri krómísku siðspillingarfirru að það sé fætt til að eiga þá stjórnmálaflokka sem það er í, og eigi þar af leiðandi að ráða þar öllu, og vaða áfram á sama hátt gagnvart öðrum flokksfélögum og meirihlutaeigendur í hlutafélögum árið 2007. Því hefur farið sem farið hefur.

Það sér hver maður, að þegar spillt flokkseigendaklíka tekur sér fyrir hendur að svíkja flest það sem viðkomandi flokkur stendur fyrir og var stofnaður um er ekki við öðru að búast en hann sigli í strand og brotni í spón.

Það er mín skoðun að komið sé að leiðarlokum í samskiptum fólks í VG og endanlegur klofningur óumflýjanlegur. Hægri armur flokksins hefur sýnt það og sannað að eina hugsjónin þar á bæ er að komast til valdi í ríkisstjórn með hverjum sem er og framkvæma, þegar þannig stendur í bólið, hluti sem hvaða hægristjórn sem er mætti vera fullsæmd að. Andspænis valdahroka og hægrihyggju flokkseigendaklíku Steingríms, Álfheiðar og Svavars, á vinstri armurinn einskis annars úrkosta en að ganga út og stofna ný samtök sem byggja á klassískum sósíalisma, verkalýðshyggju og þjóðfrelsi. Slík samtök myndu strax fá fjöldafylgi og kæmu til með að lyfta grettistaki ef þau verða að raunveruleika. Að lokum hvet ég sexmenningana í þingflokki VG að sýna kjark og þor og segja upp óþolandi vistinni hjá Steingrími, Álfheiði og Svavarsfjölskyldunni.

Formaður segir sig úr VG

Athugasemdir

[Baldur Hermannsson, 18.1.2011 kl. 00:17]

Er þetta ekki full mikil bjartsýni? Atli mun hætta í pólitík þegar stjórnin fellur, Ögmundur er orðinn of gamall og meyr til að standa í þessum eilífu blóðsúthellingum, Guðfríður Lilja er engin manneskja til að vera í pólitík ...... enda getur hún verið í samfelldum barneignafríum næstu 20 árin því afköstin eru tvöföld .... og þá eru bara þrjú eftir: eðalhryssan, folaldið og afsláttarklárinn úr Bjarnarhöfn. Ekki beysin fylking, því miður.

[Jóhannes Ragnarsson, 18.1.2011 kl. 13:38]

Mér dettur nú í hug, þegar ég les athugasemdina þína Baldur, stakan sem hefst svona: Aumt er að sjá í einni lest ... 

Þú átt ekki að vera svona svartsýnn, það fer illa með heilsuna.

[Baldur Hermannsson, 18.1.2011 kl. 13:45]

Ég er hjartanlega sammála þér. Ég var eitthvað svo slappur í gær, sennilega hefur það valdið þessari bölsýni. Maður gleymir stundum að éta alminlega yfir daginn, það er nú vandinn. Ef ég man að éta eins og kýrnar þá bregst mér ekki bjartsýnin. Og það vantar mikið þegar hana vantar.