Hvað er gert við skipstjóra sem ... ?

Okkur varðar ekkert um hvað búrtíkin, Árni Þór, telur, álítur, heldur eða vill í ESB málum eða öðrum málum. Stjórnmálaflokkurinn VG vill að Ísland verði ekki aðili að Evrópusambandinu. Sömuleiðis vill VG ekki eyða einni einustu krónu í aðlögun Íslands að ESB. Allar tilfæringar í þá átt gengur algjörlega í berhögg við stefnu VG. Að Steingrímur og búrtíkur hans skuli hafa vogað sér að kaupa sér aðild að ríkisstjórn með því að samþykkja að sækja um ESB aðild og hefja aðlögunarferli að þessu auma auðvaldskompaníi, eru hrein og klár svik við almenna félaga og kjósendur VG. Og hvað er gert við svikulan skipstjóra, sem virðir fyrirmæli útgerðarinnar að vettugi og siglir skipinu í strand ? Jú, það er tekið í hnakkadrambið á honum og honum sparkað öfugum í land ásamt búrtíkum sínum og öðru skylduliði. 

Þjóðin ráði lyktum ESB-máls

Athugasemdir

[Baldur Hermannsson, 18.1.2011 kl. 16:44]

Brilljant pistill! Við þessi orð er engu að bæta ..... þau eiga að sjálfsögðu við alla skipstjóra sem svíkja bæði útgerð og áhöfn: í land með þá umsvifalaust. Mikið held ég að Alþingi yrði skárri vinnustaður ef Jói kommi tæki þar sæti.

[Sleggjan og Hvellurinn, 18.1.2011 kl. 19:44]

Þegar tveir flokkar mynda stjórn þá þarf hver og einn að gefa eftir í hinum og þessum málum og fá þá eitthvað í staðinn.

VG fékk ekki hreinan meirihluta....

[Jóhannes Ragnarsson, 18.1.2011 kl. 19:54]

Hvað gaf Samfylkingin eftir og hvað fékk hún í staðinn ?

[Ásthildur Cesil Þórðardóttir, 18.1.2011 kl. 20:18]

Já þetta er alltaf sama gamla tuggan um að það þurfi málamiðlanir, en þarna voru engar málamiðlanir, þarna var einfaldlega framin kosningasvik við kjósendur VG.  Eru svona skipstjórar annars ekki kjöldregnir?

[Eggert Hjelm Herbertsson, 19.1.2011 kl. 09:49]

Landsfundur VG samþykkir stefnu hans. Á síðasta landsfundi var samþykkt stefna í evrópumálum þar sem meðal annars stendur: "Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu".

Þetta þýðir einfaldlega að þetta ferli á að leiða til lykta með samning um aðild sem leiddur verður fyrir þjóðaratkvæðagreiðslu, með lýðræðislegum hætti. Þetta ferli er í gangi og getur engan veginn verið svik við kjósendur VG - það væri svik við þá að hætta í miðri á.

Ályktanir landsfundar getið þið séð hér: http://www.vg.is/media/myndir/landsfundur/Alyktanir_landsfundar_VG_2009_-_lokid.doc  

[Eggert Hjelm Herbertsson, 19.1.2011 kl. 09:54]

Þetta var líka samþykkt í stefnuyfirlýsingu þessarar ríkisstjórnar sem samþykkt var af öllum þingmönnum beggja flokka, þar kemur meðal annars fram:"Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum."

sjá: http://www.forsaetisraduneyti.is/verkefni/rikisstjorn/stefnuyfirlysing/ 

[Sleggjan og Hvellurinn, 19.1.2011 kl. 16:48]

Vg fékk að banna ljósabekki, banna mellukaup, banna strippstaði, banna pókerauglýsingar, banna verne holding, banna magma, banna fugæfingafyrirtæki á keili, banna einkasjúkrahús, banna helguvík, banna álver á bakka og fleiri skemmtileg bönn.........

en samfylkingin fekk t.d þeirra kostningamál ESB... enda fékk XS flest atkvæði af öllum flokkum  eða tæplega 30%