Hundslegu undirferli engin takmörk sett

Það er eitthvað hálf dularfullt við það, að ráðherrarnir Jóhanna og Steingrímur taki Jón Bjarnason, sjávarútvegs- og lanbúnaðarráðherra, útí horn og segi honum að vinna við að sameina reáðuneyti hans öðru ráðuneyti sé komin á fulla ferð. Það hefur semsagt verið farið í þessa sameiningu án þess að láta Jón vita af henni fyrr en hún var komin á fullt.

Ef þetta er rétt þá er undirferli Jóhönnu og Steingríms engin takmörk sett, hvað sem líður glamri þeirra fyrir tveimur árum um gagnsæi og lýðræðisleg vinnubrögð. Sérstaklega er þáttur Steingríms í þessu sameiningarmáli ömurlega hundslegur og í leiðinni gott sýnishorn af siðlausum og óbrúklegum flokksformanni, sem svífst einskis gagnvart flokksfélögum sínum fyrir eigin völd.

Ég trúi ekki öðru en þingmenn VG stöðvi þessa heimskulegu ESB-höfuðóra Jóhönnu með því að setja Steingrími stólinn fyrir dyrnar og geri hann afturreka í dómgreindalausum sleikjuskap hans við Samfylkinguna.

En úr því sem komið er, væri sennilega langbest fyrir Steingrím, hans náhirð og búrtíkur, að hypja sig á stundinni yfir í Samfylkinguna eða Framsóknarflokkinn, þetta hyski á ekkert erindi við samtök róttækra vinstrimanna, sósíalista.

Sameiningarferli hafið

Athugasemdir

[Eggert Hjelm Herbertsson, 19.1.2011 kl. 09:52]

Þetta ferli hófst með stofnun þessarar ríkisstjórnar sem allir þingmenn beggja flokka samþykktu og er það plagg sem unnið er eftir, þar stendur meðal annars: "Nýtt atvinnuvega- og nýsköpunarráðuneyti tekur til allra atvinnugreina (utan opinbera geirans og fjármálamarkaðarins), nýsköpunar og þróunar innan þeirra. Þar verða teknar ákvarðanir um nýtingu auðlinda á grundvelli rannsókna og ráðgjafar frá umhverfis- og auðlindaráðuneyti." Sjá: http://www.forsaetisraduneyti.is/verkefni/rikisstjorn/stefnuyfirlysing/