Ég er alfarið á móti Rögnu í forsetaembættið og færi fyrir því gild rök.

Ég er gjörsamlega alfarið á móti því að Ragna Árnadóttir verði gerð að forseta Íslands. Hún var dubbuð upp til ráðherra fyrir ekki allöngu og stóð sig með slíkum endemum, að Jóhanna og Steingrímur sáu sig tilneydd til að fjarlægja hana með valdi úr dómsmálaráðuneytinu; þau urðu hreinlega að leggja á hana hendur og draga hana eins og villta ótemju á milli sín útá stétt. Meira að segja úti á stéttinni lét Ragna ekki staðar numið og beit Jóhönnu aftan í annan kálfann svo hún var draghölt í margar vikur á eftir. Ég tek fólki var við að skemmta skrattanum með því að gæla við hugmyndinu um að gera Rögnu að forseta Íslands.

Aftur á móti er mín bjargfasta skoðun, að Ísleningar eigi ekki að hika við að kjósa Gunnar I. Birgisson, fyrrum borgarstjóra í Kópavogi, sem nlsta forseta íslenska lýðveldisins. Það er sko maður sem kann sitt fag og er ennfremur þeim mikilvæga kosti búinn að hafa háþróaðan heila milli eyrnanna meðan aðrir verða að láta sér nægja kvarnir eða örlítin taugahnút í kinnbeinsholunum.

Flestir vildu Rögnu

Athugasemdir

[H.T. Bjarnason (IP-tala skráð) 22.1.2011 kl. 12:34]

Ég held að þetta sé hugsanlega á misskilningi byggt.  Ég veit ekki betur en var tillögulega sátt við að hætta sem ráðherra.

[Birgir Örn Guðjónsson, 22.1.2011 kl. 13:19]

Sennilega grín grein hjá þér.

Allavega tekur engin mark á henni...og þér sennilega ekki, eftir þetta pár. :p

[Jóhannes Ragnarsson, 22.1.2011 kl. 13:47]

Ha? ... misskilnigi ? Hvaða misskilnigi ? Ég kannast ekki við neinn misskilning varðandi þetta mál.

Svo skil ég ekki Birgi Örn að halda að ég sé að grínast með svona mál.

Svo get ég ennfremur sagt þér, Birgir Örn, að þar er heilmikið mark tekið á þessari grein minni, sem þýðir að mikið mark er á mér tekið.

[Ásthildur Cesil Þórðardóttir, 22.1.2011 kl. 16:33]

Sammála þér með Rögnu, en það er ekki af baráttu hennar til að halda sætinu Heldur tel ég að hún sé of leiðitöm og trú ráðamanna, hún myndi ALDREI neita að skrifa undir hvað svo sem kæmi frá ríkisstjórninni.  Hún yrði því bara puntudúkka eins og fleiri forsetar, þangað til Ólafur Ragnar virkilega virkjaði embættið, sem andstæðingar hans geta ekki fyrirgefið honum.  Því vona ég að meðan þessir rósturtímar eru, þá verði hann forseti, því meðan hann situr er hann svo sannarlega bremsa á ráðríki ríkisstjórna.

Einhver var að nefna Stefán Jón Hafstein, það er sennilega gæluverkefnið hjá Samfylkingunni að fá sinn mann þar inn, mann sem er vitað mál að muni bara þjóna sínum og ekkert annað.   Hrollur.

[Baldur Hermannsson, 22.1.2011 kl. 19:55]

Já það væri ekki slæm hugmynd að fá Rögnu á Bessastaði. Hún er vönduð kona og heiðvirð, ekkert fyrir það gefin að trana sér fram og það væri ágætis tilbreyting að fá normal manneskju í þetta embætti.

[Ásthildur Cesil Þórðardóttir, 22.1.2011 kl. 20:07]

Þú getur sennilega alveg eins fengið Barnie í forstetastólinn, sæt en gerir eins og henni er ætlað. Fer sennilega vel í fjórflokkinn, því þeir vilja bara vaða yfir allt og alla.

[Jóhannes Ragnarsson, 22.1.2011 kl. 22:03]

Ef ekki næst samstaða um Gunnar I. Birgisson í forsetaembættið, sem mér þykir harðla ólíklegt, þá ber að leita til Ólínu Þorvarðar eða Hanezar Hólmsteins Gissurarsonar.

[Sigurbjörn Friðriksson, 22.1.2011 kl. 22:26]

BJÖRKU GUÐMUNDSDÓTTUR í forsetastólinn..!!!!!

(Nei, nei, ég sagði bara si svona).  Ég var bara að hræða hann Baldur  félaga minn Hermansson dálítið kvikindislega  -  smá grín - hehehe.  

Með góðri kveðju, Björn bóndi   

[Jóhannes Ragnarsson, 22.1.2011 kl. 22:31]

Björk er svo sem áættanlegur kostur ef í harðbakkann slær, en aðeins með því skilyrði að pabbi hennar komi aldrei inn fyrir dyr á Bessastöðum.

[Sigurbjörn Friðriksson, 22.1.2011 kl. 23:00]

Jóhannes: Hvað finnst þér svo sem um pabba hennar.  Þetta er stofukommúnisti eins og allt forystulið VG, ég hélt að þeir væru þér að skapi?

OK.  Verum vinir og semjum um ÁLFHEIÐI INGADÓTTUR  sem næsta forseta lýðveldisins.   

Hehe, Björn bóndi   

[Baldur Hermannsson, 22.1.2011 kl. 23:05]

Álfheiður ..... it´s a deal.

[Jóhannes Ragnarsson, 22.1.2011 kl. 23:14]

Að nefna nafn Álfheiðar Ingadóttur inná mínu bloggi jafnast á við landráð eða stríðsyfirlýsingu.

[Baldur Hermannsson, 22.1.2011 kl. 23:24]

Hana nú, hvaða geðvonska er þetta eiginlega á laugardagskvöldi ..... ég veit ekki betur en þetta sé vonardís drauma þinna og þú hafir hangið dyggilega í pilsinu hennar undanfarin kjörtímabil.

[Sigurbjörn Friðriksson, 24.1.2011 kl. 21:02]

Baldur....!  sona, vertu nú solítið góur við hann Jóhannes.  Hann er í sárum og veit ekki hvað hann á að hugsa....   

Kv, Björn bóndi   

[Ásthildur Cesil Þórðardóttir, 24.1.2011 kl. 21:49]

Hýenur veiða í hópum.  En eru samt á einhvern hátt aumkvunarverðar, enda njóta þær ekki virðingar.  Þar sem talað er um suma einstaklinga sem hýenur vegna framkomu sinnar.  Taki það til sín hver sem vill hér.