Ekki vera reið Einari Kr. því honum er ekki sjálfrátt

Það má svo sem vel vera að Einar Kr. Guðfinnson trúi sjálfur staðfastalega á kjaftæðið sem hann ber á borð í  grein sinni um ,, að komið hafi verið í veg fyrir að Alþingi yrði hertekið." Hitt þykir mér samt líklegra, að pistill Einars Kr. sé hans innlegg til að reyna að blekkja fólk til fylgis við auma lygasögu, sem Sjálfstæðismenn vilja að sé gerð að Stóra sannleik um viðkomandi atvik. Það á sem sé vísvitandi að falsa söguna, borgarastéttinni í hag.

En við skulum samt ekki vera reið Einari Kr. Guðfinnssyni fyrir framhleypnina og ruglið. Honum er ekki sjálfrátt. Hann er gegnsýrður af spilltum hugsunarætti borgarastéttarinnar, fórnarlamb hans og leikfang. Það eina sem hægt er að gera fyrir svona einstaklinga er að biðja fyrir þeim, annað er ekki í boði.

Og vitanlega minnist hinn ógæfusami sjálfstæðismaður ekki einu orði á ástæðuna fyrir mótmælunum, það er heldur ekki hagstætt fyrir Flokkinn hans að rifja það upp. Það er nefnilega ekki inní forritinu að hugarheimi Sjálfstæðismanna að athafnir þeirra á stjórnmála- fjármála- og viðskiptasviðinu á árunum 1991 til 2009, sem lauk með algjöru hruni, hafi eitthvað með umrædd mótmæli að gera og reiðina, sem blossaði upp í þjóðfélaginu í október 2008 og lauk ekki fyrr en Sjálfstæðisflokkurinn hrökklaðist frá völdum snemma árs 2009.

Komið í veg fyrir að Alþingi yrði hertekið

Athugasemdir

[Sigurður Haraldsson, 23.1.2011 kl. 16:50]

Sæll Jóhannes þetta er rétt hjá þér að mestu leiti nema það að aðgerðarleysi og flokksvinavæðingu er ekki lokið nú eru það bara aðrir flokkar sem eru við kjötkatlana með sömu stefnu og fyrri stjórnir því miður!

[Jóhannes Ragnarsson, 23.1.2011 kl. 17:22]

Jú, Sigurður, ég geri mér grein fyrir því að stefna þeirra sem nú ráða förinni er í litlu eða engu frábrugðin stefnu þeirra sem hrökkluðust frá fyrir tveimur árum, sem er afar sorglegt. Ég er eiginlega mest hissa á þolinmæðinni sem þjóðin sýnir núverandi ríkisstjórn.

[Ásthildur Cesil Þórðardóttir, 23.1.2011 kl. 19:15]

Já sennilega er eina rétta að biðja fyrir Einari og hans klíku, þeim er ekki sjálfrátt, það tekur líka mjög á að sleikja rassa daglega, til að koma sér áfram.