Á öðrum degi upp reis hún eins og Þorgeirsboli

Ójá. Vegurinn, sannleikurinn og lífið í Samfylkingunni hefur fram til þessa gengið útá að taka uppvakninga, sem beðið hafa pólitískan píslarvættisdauða, undir sinn ljúfa verndarvæng. Hver man ekki eftir öllum píslarvættisandlátum heilagrar Jóhönnu ? Eða Einars Karls og Hrannars Björns ? Eða þegar Björgvin G. Sigurðsson reis upp eins og Hjaltastaðarfjandinn eftir að hafa kastast fyrir björg í Hruninu Mikla ? Og nú hefur særingameisturum Samfylkingarinnar tekist að vekja sjálfa Steinunni Valdísi upp sínu sæla píslarvættisdái og hafa ekki aðrir gert betur síðan Galdra-Loftur var og hét. Má um það afrek segja eins og stendur í kvæðinu um annan upprisumann: ,,Á öðrum degi upp reis hún eins og Þorgeirsboli" ... og er nú orðin verkefnisstjóri hjá Samfylkingunni.

Steinunn Valdís starfar fyrir Samfylkinguna

Athugasemdir

[Hreinn Sigurðsson, 29.1.2011 kl. 21:53]

Það er orðrómur í gangi um að hún eigi að annast styrkjamál samfylkingarinnar

[Ásthildur Cesil Þórðardóttir, 29.1.2011 kl. 21:59]

Æ Æ ekki meir ekki meir

[Baldur Hermannsson, 30.1.2011 kl. 15:22]

Ég heyri sífellt fleiri tala um að einfaldast og fljótlegast væri líklega að stofna nýja flokka á rústum hinna gömlu. Samfylkingin til dæmis er svo gersamlega rúin trausti að henni verður ekki við bjargað úr þessu og sama gildir um Vinstri græna. Íhaldið á líka eftir mikilfenglega ormahreinsun. Aðeins Framsókn hefur endurnýjað hressilega og þarf ekki að fara í annað steypibað.