Vegur vænkast. Hrossakaup. Og faðirvorið á egypsku.

Nú er svo skemmtilega komið fyrir honum Steingími okkara hérna J. að honum er hvergi fagnað jafn innilega og í Sjálfstæðisflokknum og vissum hluta Samfylkingarinnar. Þykir mér vegur bóndasonarins að norðan hafa vænkast verulega eftir að mikilar ástir tókust með honum og erkiíhaldinu, enda sendi hann son sinn eingetinn, Björn Val Brimz, útaf örkinni til að kvótakerfi Þorsteins Más og LÍÚ öðlaðist eilíft líf með þjóðinni. Þá hefir Steingrímur, eins og sönnum mannkynsfrelsara sæmir, lagt á sig ómælt erfiði til að fremja kraftaverk á steindauðum fjámála- og trygginafyrirtækjum, mammoni til dýrðar, og reist þau upp frá dauðum eins og hverja aðra Lazarusa. Og kapítalistarnir hafa jafnóðum klappað honum lof í lófa.

Og nú hafa menn gert heilög hrossakaup: Fígúrurnar í Sjálfstæðisflokknum hafa fallist á að greiða götu óskabarns Steingríms og Jóhönnu, Icesave-samningsins, en fá á móti, ef að líkum lætur, lítið breytt kvótakerfi, sem LÍÚ-klíkan getur hæglega samþykkt.

Já piltar mínir, það ætlar að rætast skemmtilega úr honum Steingrími okkar. En hvað sósíalistar eru að gera við þennan bögubósa fyrir formann hjá sér er samt hálf óhugnanlegt. Enn óhunanlegra er þó að almennir flokksmenn í VG skuli ekki fyrir nokkru síðan hafa tekið túnisísku aðferðina á karlinum og kennt honum faðirvorið á egypsku.

Fagnar afstöðu sjálfstæðismanna

Athugasemdir

[Ásthildur Cesil Þórðardóttir, 2.2.2011 kl. 21:52]

Fari það grábölvar, nú þarf að fara bónbjargarleið til forsetans og fá hann til að skrifa ekki undis ósköpin.

[Baldur Hermannsson, 2.2.2011 kl. 21:55]

Bjarni Ben ber sýnilega hag þjóðarinnar fyrir brjósti. Það er ekki nóg að hugsa einn leik fram í tímann.

[Magnús Sigurðsson, 2.2.2011 kl. 23:32]

Jóhannes, nú er ekki annað hægt en að taka heilshugar undir með þér hvað Sjálfstæðisflokkinn varðar, hann ætti að banna með lögum eins og hver önnur glæpasamtök.

[Jón Snæbjörnsson, 3.2.2011 kl. 09:13]

ágætur Jóhannes en bara ágætur ;)