Gamla Ísland, óskalandið, bráðum kemur þú.

Það er gríðarlegur sigur fyrir Bjarna Benediktsson að hafa tryggt sér stuðning hins mikla skörungs, Gjeirs H. Haaardy, í baráttunni um að hrossakaup Sjálfstæðisflokksins við ríkisstjórnina um óbreytt kvótakerfi og niðurfellingu skulda stórfyrirtækja eins og N1 gegn stuðningi Sjálfstæðisflokksins við Icesave-samninginn. 

Og herra Gjeir Hrun Haaardy bætir um betur og lýsir því yfir, af framúrskarandi traustvekjandi fjálgleik við mbl.is, að Bjarni lögfræðingur úr Garðabæ hafi rökstutt mál sitt af ábyrgð og með málefnalegum hætti. Því er ljóst að Bjarni hefur mikið lært af Gjeir í hrunsfræðum þegar hinn síðarnefndi sigldi þjóðarskútunni uppá sker á Góðærisbankamiðum í byrjun október 2008 eftir langa og stranga siglingu í þreifandi frjálshyggjubyl og úfnum loftbólusjó.

Úr því sem komið er, er ekkii eftir neinu að bíða fyrir Samfylkinguna að sparka VG útúr stjórnarráðinu og taka upp þráðinn góða við Sjálfstæðisflokkinn þar sem frá var horfið snemma árs 2009.

Lifi endurreisn Gamla Íslands, húrra húrra húrra húrraaa!

Geir styður Bjarna

Athugasemdir

[Elís Már Kjartansson, 5.2.2011 kl. 17:44]

HAHA! Frábær pistill eginlega tær snilld spurning um að láta spaugstofuna fá handritið. Fáránleikinn ætlar engan endi að taka virðist vera.

[Baldur Hermannsson, 5.2.2011 kl. 18:20]

Hvar er fáránleikinn í þessu máli....hvað er fáránlegt við það að láta hvern vinnandi mann borga 500 000 krónur? Þetta er dapurlegur endir svallveislunnar miklu en þeir sem borga hlæja ekki.

[Elís Már Kjartansson, 5.2.2011 kl. 19:53]

Baldur agalega ertu ruglaður ef þú sérð ekki kaldhæðnina í skrifum Jóhannesar. Helduru virkilega ég hlæi yfir þessu öllu saman þá ættiru að fara beint upp á spítala í heilaskanna fáráður.

[Baldur Hermannsson, 5.2.2011 kl. 20:00]

Láttu nú skrúfa í þig mannsheila Elís svo þú verðir þér ekki ítrekað til skammar. Það má vel vera að kaldhæðni sé að finna í pistli Jóhannesar en í þínum athugasemdum er ekkert að sjá nema botnlausa heimsku og sjúklega kátínu yfir óhamingju annarra. Döpur er sú móðir sem ól slíkan son, ég segi nú ekki meir.

[Elís Már Kjartansson, 5.2.2011 kl. 20:07]

Jæja kallinn drífðu þig af stað ef heilbrigðiskerfið er ennþá með vélarnar í gangi útaf þessum sparnaði þú skilur, vegna niðurskurðar. Sennilega er allt farið og einungis mænuvökvi eftir skillst mér af orðum þínum að dæma en samt betra að fyrir þig að láta kanna það heldur ei. Hvernig hefur móðir þín það annars fyrst þú ert að blanda þeim í þetta, eða ertu kannski ættleiddur?

[Baldur Hermannsson, 5.2.2011 kl. 20:12]

Ég geri ráð fyrir því að þessi bjánaskapur eigi að fyrirstilla það sem þú í einfeldni þinni kallar kaldhæðni.

[Elís Már Kjartansson, 5.2.2011 kl. 20:17]

Nei ég er bara alls ekki hress með Bjarna Ben þessar mundir vegna geðþótta ákvarðana hans eða öllu heldur sem hann kallar kalt mat á hlutunum. Þá líkar mér heldur ekki að verið sé að væna mig um að finnast þetta fyndið þar sem ég hef talað gegn þessu frá fyrsta degi og geri enn. Augljóslega tók ég þessu innileggi þínu ekki vel og sennilega for nokkuð framúr sjálfum mér. Njóttu kvöldsins félagi og slepptu spítalaferðinni bara þú ert bara ágætur.

[Baldur Hermannsson, 5.2.2011 kl. 20:20]

Einmitt, ég held ég sleppi henni bara, læt nægja að leggjast í sófann og horfa á sjónvarpið. Þú ert líka hörkunagli og stendur þig alltaf vel. Það mættu ýmsir taka þig sér til eftirbreytni.