Nú fær Karl á Hóli í Flóa miljonir á miljonir ofan. Húrra fyrir því.

Hann heitir Karl og er frá bænum Hóli í Flóanum. Hvers son hann er veit ég ekki, en faðernið mun, að því sagt er, vera á reiki, en Karli er víst nákvæmlega sama um það og trúir því að hann hafi, hvað sem öðru líður, hafa erft lífsgleðina frá föðurnum, hver svo sem hann er.

Það kom nefnilega snemma í ljós að Karl frá Hóli í Flóa var sérstakur gleðinnar maður og fór snemma að stunda böllin á Suðurlandi þar sem hann dansaði, drakk og hló öllum öðrum meira. Og þótt hann færi hratt yfir á dansleikjum og væri ekki beinlínis gáfulegur, laðaðist hvenfólk að honum eins soltnir úlfar að feitu holdanauti. Fyrir vikið eignaðist Karl fjölda karlkyns óvildarmanna, sem reyndu að ná sér niður á honum með því að uppnefna hann Flóafíflið. En Karli var alveg sama um uppnefni og rógburð um sig og hélt sínu striki, enda var enginn á landinu konum eins kær og Karl á Hóli í Flóa og þakkaði hann þeim fyrir með því gera eins mörgum af þeim og hann gat glatt í geði í hinum og þessum skúmaskotum, að nóttu sem degi.

En þegar Svandís kerling Sendiherradóttir setti upp stertinn og bannaði Flóamönnum að gera Flóann að einu allsherjar stöðuvatni til að búa til rafmagn fyrir útlenda álbræðslukarla og nokkra innlenda auðvaldsperverta, rann Karli á Hóli heldur betur blóðið til skyldunnar og kærði Svandísi kerlingu fyrir stjörnusýslumanninum Stones á Selfossi, Héraðsdómi Suðurlands og Hæstarétti, - og hafi frækinn sigur.

Nú sér Karl á Hóli, sem núorðið hefur það orð á sér að vera kaldasti karlinn í Flóanum, fram á að geta losað sig við helvískan Hólinn fyrir hundrað milljónir, en í staðinn fá álbræðslukarlarnir og auðvaldspervertarnir að sökkva Hólnum niður á 50 metra dýpi með því að gera volduga stíflu svo gott sem í túnfætinum hjá honum Kalla, sem alltaf hefur að öðru leyti kunnað best við vínföng og kvenfólk. 

Mun staðfesta skipulagið

Athugasemdir

[Gunnar Th. Gunnarsson, 10.2.2011 kl. 21:56]

Það er alveg hægt að segja skemmtilega sögu og hafa staðreyndir samt á hreinu. Í þessu tilfelli þarf sagan ekki að gjalda sannleikans.

[Jóhannes Ragnarsson, 10.2.2011 kl. 22:59]

Núnú, hvaða fjárans staðreyndir eru það sem ekki eru á hreinu ?

[Gunnar Th. Gunnarsson, 10.2.2011 kl. 23:12]

 "... að gera Flóann að einu allsherjar stöðuvatni.."

"...sökkva Hólnum niður á 50 metra dýpi.."

Þú veist að þetta eru ekki staðreyndir... er það ekki?

[Jóhannes Ragnarsson, 11.2.2011 kl. 18:31]

Þú gerir þér ekki grein fyrir, Gunnar minn, að ég hef skáldaleyfi, þ.e.a.s. ég má bregða öðrum litum í upplýsingaskyni á það sem samfélag smáborgararugludallana kallar af villimannslegum trúarástæðum ,,staðreyndir."

[Aðalsteinn Agnarsson, 11.2.2011 kl. 21:09]

Flottur Jóhannes, þetta er alvöru stífla.

[Gunnar Th. Gunnarsson, 12.2.2011 kl. 03:28]

"Gunnar minn"

[Jóhannes Ragnarsson, 12.2.2011 kl. 10:01]

Gunnar (ekki minn), það vill svo einstaklega vel til að lyfjavísindin hafa boðstólum ágætar pillur, og líka mixtúrur, við krónísku fúllyndi og stóriðjuöfgum. Ég ráðlegg þér eindregið að panta tíma hjá lækni til að fá svona meðal við sjúkdómnum þínum.