Þegar afturúrsiglarar gera sig að enn meiri fíflum

Hvaða bölvaðir ekkisens hlandaular og afturúrsiglarar eru það eiginlega sem hafa látið sér til hugar koma að dóttir frægs og ástsæls sendiherra og samningamanns fari að segja af sér útaf einum skitnum hæstaréttardómi, eða öllu heldur Sjálfstæðisflokksréttardómi. Það eru þó ljótu vitleysingarnir sem láta sér dreyma þvílíka reginheimsku um hábjartan dag.

Nei, hún Swandéesý okkar lætur ekki einhverja labbakúta, auðvaldsperverta og stóriðjuöfgadólga hræða sig og mun ótrauð halda áfram að velgja þessháttar dusilmennum undir uggum með skeleggri framgöngu og stórbrotnum ræðuhöldum í kansellístíl, sem löngum hafa verið mjög í tísku hjá flokkseigendaelítu VG. Hún mun taka þá einn af öðrum á kné sér og flengja þá stórhýðingu eins og ódæla smásveina, - sem betur fer.

Annars væri allmörgum stjórnmálauppskafningum Sjálfstæðisflokksins nær að huga að eigin afsögnum en gera sig að fíflum með því krefjast digurbarkalega afsagnar Swandeesar. Þeim hlotnaðist, sem maður segir, sá góði heiður og vitnisburður, að verða kallaðir menn að meiri ef þeir létu sig hverfa orðalaust af vettvangi stjórnmálanna. 

Svandís segir ekki af sér

Athugasemdir

[Davíð Oddsson, 12.2.2011 kl. 00:11]

haha, snillingur :D

Kaldhæðni er það eina sem við almúginn eigum eftir :)

[Sigurjón Benediktsson, 12.2.2011 kl. 18:25]

Er þetta eitthvað grín.....hér er um aðför Hæstaréttar ræða, að valinkunnu sæmdarfólki og jafnvel sendiherradóttur og auðvitað er verið að ráðast á föður hennar...eins og þegar Kínverjar skömmuðu Albaníu....STASI getur ekki varið hann lengur og því er Moggavélin á fullu

[Jóhannes Ragnarsson, 12.2.2011 kl. 19:19]

Grín ??? ... Ekki aldeilis, kall minn.

Það eru engin gamanmál fólgin í því að vera platsósíalisti með meint STASI-stimpilfar á milli rassakinnanna.