Iðrun er ekki til í hrunsamtökunum sem kenna sig við sjálfstæði

Satt best að segja finnt mér það ekki fara Bjarna Ben vel og hrunsamtökunum sem hann veitir forstöðu, að leggja fram vantraust á eitt eða neitt, ekki einusinni núverandi ríkisstjórn. Hótun Bjarna ítrekar aðeins enn og aftur, að honum og flokksmönnum hans, er gjörsamlega fyrirmunað að læra að skammast sín. Það hefur aldrei þótt góð látína, að brennuvargar lýsi yfir vantrausti á slökkviliðið og láti einsog þeir séu betur til þess fallnir að kæfa eldin í rústunum.

Þrátt fyrir að framsóknarkrathænsnin Jóhanna og Steingrímur séu slæm og fráleitt á vetur setjandi, þá eru Bjarni Ben og óbótahjörð íhaldsins enn verri, sem og Framsóknarflokkurinn.

Í Túnis bönnuðu þarlandsmenn sinn Sjálfstæðisflokk. Íslendingar eiga auðvitað að fara að dæmi þeirra í Túnis og banna hin alræmdu samtök sem ganga undir nafninu ,,Sjálfstæðisflokkur."

Tillaga um vantraust lögð fram

Athugasemdir

[Ásthildur Cesil Þórðardóttir, 12.4.2011 kl. 18:04]

Jóhannes minn ég hef verið svona að spá í þögn þína undanfarið, hélt ef til vill að þér væri ofboðið algjörlega.  Ég segi nú bara, er ekki komi nóg af þessari kyrrstæðisstjórn.  En ég er sammála því að ekki við ég Sjálfstæðismenn og Framsókn við stjórn aftur í bili. En er þorandi að treysta fólki til að kjósa eitthvað annað???? TIl dæmis ný framboð eða eldri sem duttu út af þingi?

[Jóhannes Ragnarsson, 12.4.2011 kl. 21:32]

Það er rétt, Ásthildur, að mér er nóg boðið og umrædd netþögn mín er hluta til vegna þess. Auk þess hef ég verið ansi upptekin af öðru síðustu vikur.

Reyndar ætlaði ég að þegja lengur, en stóðst ekki mátið að skifta mér af þegar Steingrímur, vesalingurinn og hans lið, reyndi að koma fram hefndum með því að hjóla í Guðfríði Lilju.

Það færi eflaust best á að Sjálfstæðisflokkur og Framsókn kæmi ekki nálægt ríkisstjórn meir. En ég gæti trúað að fyrir næstu kosningar komi fram nýtt framboð sem gæti orðið býsna sterkt, ef vel er á málum haldið.

[Ásthildur Cesil Þórðardóttir, 12.4.2011 kl. 22:01]

Sammála, tala nú ekki um ef villikettirnir í VG, Hreyfingin og Frjálslyndir gætu sameinast um framboð.