Auðvitað er Strauss Kahn jafn saklaus og Kolbeinn Kolbeinsson

Auðvitað er Sráss Kan, öðlingurinn svorni, saklaus af þessum óþverra sem hann er sakaður um. Það er eins og enginn skilji að saklaus maður geti í lent í svona aðstæðum. Ég geri ráð fyrir að þarna hafi verið einn alsherjar misskilningur á ferðinni: Konan hefur orðið hrædd þegar hún leit augum hinn gríðarlega og um leið óviðjafnanlega manndóm herra Stráss Kan og haldið að hann væri að miða vopninu viljandi á hana og því lagt á flótta, yfirbuguð af skelfingu og þá hefur Tító hótelstjóri séð sér leik á borði til að auglýsa hótelið sitt með því að kæra Stráss Kan.

Það kom einusinni fyrir vin okkar allra, Kolbein Kolbeinsson skrifstofustjóra, að álpast berrassaður inní kvennaklefann í sundlauginni í Laugardal. Kerlingarnar sem þar voru fyrir brugðust ókvæða við, því þær héldu að Kolbeinn hefði í hyggju að nauðga þeim, og réðust að honum með blautum handklæðum og tréklossum og misþyrmdu honum hroðalega. Svo kom lögreglan og fjarlægði Kolbein, setti hann beint í varðhald. Um kvöldið kom frú Ingveldur í fangelsið og sótti Kolbein og fór með hann heim og barði hann þar eins og hund, því hún trúði því að hann hefði farið í kvennaklefann í sundlauginni í ófrómum tilgangi.

Góður starfskraftur

Athugasemdir

[Níels A. Ársælsson., 16.5.2011 kl. 16:36]

Ha ha ha

Þá man ég eftir manni einum hér um árið sem álpaðist um há nótt svefndrukkinn í allt of litlum næríum fram á gang á hóteli norðan heiða, læsti sig úti og stóð þar eins og illa gerður hlutur þegar að var komið.

[Jóhannes Ragnarsson, 16.5.2011 kl. 21:00]

Það hefði átt að handtaka nærbuxnaþrjótinn þarna um árið og draga hann fyrir dómstóla. Það er bæði óforsvaranlegt og forkastanlegt að láta menn komast upp með svonalagað, þetta brýtur í bága við þá grein landslaga sem fjalla um brot gegn blygðunarkennd saklausra borgara.

[Níels A. Ársælsson., 16.5.2011 kl. 21:22]

Líklega eiga lög frá 1903 um böðun og lausagöngu búfjár betur við í þessu tilfelli ....