Undirmálsdót og hreinræktaðir lúsablesar

Hvaða söfnuður skal það vera sem gerir út þann furðulega uppskafning, Sigmund Erni Rúnarsson? Það er engu líkara en þessi manngarmur sé handbendli einhverra allt annarra en heiðarlegra jafnaðarmanna, sem ég vona að séu enn til, því viðhorf hans benda til að hann sé af einhverjum ástæðum svo illa spilltur og lítt jarðbundinn að hann eigi einfaldlega ekkert erindi inn á Alþingi.

Fyrir stuttu síðan hélt Sigmundur þessi Ernir opin fund með formanni LÍÚ austur á fjörðum, sem virtist hafa þann einn tilgang að gera fiskveiðistjórnunarfrumvarp sjávarútvegsráðherra tortryggilegt. Og nú hælir þetta furðulega fyrirbæri sér af því að hafa greitt atkvæði gegn því að fyrrverandi ráðherrar væru dregnir fyrir Landsdóm, nákvæmlega eins og hin gjörspillta hjörð Sjálfstæðis- og Framsóknarflokks gerði. 

Það er víst ekki ofsögum sagt að mannval á Alþingi hefur farið mjög hrakandi við hverjar kosningar síðustu 25 árin eða svo. Og er nú svo komið í þeim efnum að stór hópur alþingismanna er samansafn af undirmálsdóti og hreinræktuðum lúsablesum. En ef til vill á þjóðin það skilið af hafa í forsvari fyrir sig grams af þessu tagi, enda var það þessi sama þjóð sem kaus þennan ófögnuð yfir sig. En á þessu þarf að verða bragarbót, á því leikur enginn vafi, - eða hvað? 

Stoltur af mótatkvæðinu

Athugasemdir

[Ásthildur Cesil Þórðardóttir, 6.6.2011 kl. 23:14]

Jamm þetta fyrirbrigði sem komst inn á þing eingöngu út á andlitið á sér og hefur ekkert það á bak við, er hreinræktað fífl.

[Helga Kristjánsdóttir, 6.6.2011 kl. 23:23]

 Við verðum að kjósa flokk,með manni og mús,en þú gleymdir fögru klingjandi bjölluáslætti forseta þingsins,það er þó til að bæta leiðindin upp.

[Árni Karl Ellertsson, 6.6.2011 kl. 23:32]

Sigmundur Ernir er sauðheimsk rassasleikja og ómerkilegur drullusokkur sem á ekkert erindi inn á þing.

[Ásthildur Cesil Þórðardóttir, 6.6.2011 kl. 23:37]

Helga mín ertu að meina bjöllublúsin hahahahaha

[Jón Steinar Ragnarsson, 7.6.2011 kl. 03:11]

Ekki er ég nú sérstakur aðdáandi Sigmundar Ernis né Samfylkingarinar yfirleitt, en er ekki allt í lagi að stilla munnsöfnuðinum og saurburðinum aðeins í hóf. Það gæti jafnvel orðið til þess að menn hlustuðu á þig og hver veit nema að einhver tæki mark á þér.

Svona Tourette blogg gjaldfella moggabloggið í ruslflokk.

[Anna Sigríður Guðmundsdóttir, 7.6.2011 kl. 16:19]

Jóhannes. Ert þú yfirmálsdót og hreinræktaður sanngirnis/skilnings/réttlætissinni í öllu sem þú lætur frá þér fara á hinum ýmsu bloggsíðum??? Sigmundur Ernir er að mínu viti ekki verri maður en aðrir í þessu fársjúka samfélagi sérhagsmuna-gæslunnar endalausu! 

Mér hefur sýnst þú vera með þeim ósköpum gerður, eins og við öll, að falla í ósanngirnis-dómarasæti hins fáfróða og sérhagsmuna-sinnaða gallaða manns!

Og velkominn í hópinn, því ég er svo heppinn að vera ekki fullkomin, heldur mannleg og breysk! Þú getur verið stoltur af að vera tekin með í hóp þeirra breysku    

M.b.kv.

[Viðar Friðgeirsson, 7.6.2011 kl. 17:19]

Hér finnst mér, Jóhannes, að þú og sumir viðmælenda þinna hér á síðunni vera sjálfum ykkur til skammar.

[Jóhannes Ragnarsson, 7.6.2011 kl. 21:43]

Ég er satt að segja dálítið undrandi á vandlætingartóninum sem birtist í nokkum af athugasemdunum hér að ofan.

Því miður er hafa mál skipast þannig hjá okkur, að Alþingi hefur með hverjum kosningum, síðustu 25 árin eða svo, orðið æ verr mannað, enda mælist traust fólks til Alþingis í skoðannakönnunum í algjöru lágmarki. Ég er ekki í minnsta vafa um, að það eru þingmenn af sama og svipuðu kalíberi og Sigmundur Ernir sem eiga helst sök á þeirri litlu virðingu sem Alþingi nýtur meðal almennings.

[Ásthildur Cesil Þórðardóttir, 7.6.2011 kl. 21:53]

Sumir vilja alltaf stjórna umræðunni og vilja hafa hana eftir sínu höfði, en svo mjálmar kötturinn sem honum best lætur.  Ég bara hef þessa skoðun punktur basta.