Andskotans fantar og ófarir Dalvíkinga

Ekki spyr ég að þessum andskotans föntum: Þegar þeir eru búnir að éta og drekka Dalvíkinga úrá Guð og gaddinn keyra þeir blindfullir og skellihlægjandi í burtu. Þessir óþokkar eru áreiðanlega, allir sem einn, grjótharðir kjósendur Sjálfstæðisflokksins og láta ekkert tækifæri fara forgörðum í því að ,,bjarga sér," eins og þeir kalla það, á kostnað annarra, alveg eins og á góðæristímanum mikla þegar péééníííngarnir uxu bókstaflega á trjánum eins og laufblöð.

Þessum voðamönnum er algerlega nákvæmlega sama um þótt tiltektir þeirra þýði það að Dalvíkingar sitji eftir með sárt ennið, matarlausir og ósjálfbjarga og hágrátandi. 

Nú veit ég svo sem ekki hvort hinir gráðugu gestir á Fiskideginum mikla hafa lagt sig í líma við að ræna eiginkonum Dalvíkurbænda á brott með sér að afloknu áti og drykkju, en ef ég þekki víkingseðli frekjuvarganna rétt þá hygg ég að talsverð afföll hafi orðið á konueign heimamanna þegar endanlegt uppgjör Fiskidagsins liggur fyrir og öll kurl eru til grafar komin. 

Sjö ætluðu að keyra ölvaðir burt

Athugasemdir

[Unnur María Hjálmarsdóttir (IP-tala skráð) 8.8.2011 kl. 14:23]

Eg segi nú ekki mikið .. Alla vega skildu þeir eftir sig böns af drasli og glerbrotum

[Jóhannes Ragnarsson, 8.8.2011 kl. 15:10]

Það kemur ekki á óvart. Þetta er eins og engisprettufaraldur þessi bölvuð átvögl og drykkusvelgir.

En hafið þið þarna fyrir norðan, Unnur María, orðið vör við að þeir hafi haft annarra manna kvenfólk á brott með sér?

[Unnur María Hjálmarsdóttir (IP-tala skráð) 8.8.2011 kl. 22:13]

Sæll kallinn ... Ekki hef eg heyrt að þessir öðlingar hehehehehe  hafi verið eins og tyrkirnir her forðum þegar þeir rændu henni Guðrúnu eða Tyrkja-Guddu eins og hún síðar var nefnd. Enda reyna dalvískir karlar að halda fast í konur sínar dætur og mæður þessa daga.

[Jóhannes Ragnarsson, 8.8.2011 kl. 22:29]

Gott. Gott. Mikil forsjálni í því fólgin hjá þeim að halda þétt utanum kvenpéninginn á staðnum. Voru máske margar konur lokaðar inni í læstu herbergi meðan Fiskidagshófið fór fram?