Vítamínísk ofheilsa er ávísun á óvenju kvalafullan dauðdaga

Það var svo sem auðvitað að þetta helvítis vítamín væri meira eða minna baneitrað. Enda er það nú komið á daginn að vítamín drepa ótölulegan fjöld fólk á hverju ári.

Og hver veit hvað samsuða er notuð í þessi svokölluðu vítímín? Ég giska á að vítimín séu búin til á þann hátt, að rottueitur sé leyst upp í salmíakspíritusi, bætt við það amfetamíni og ofskynjunarsveppum. Svo eru steyptar töflur úr þessum óþverra og saklaust fólk blekkt til að gleypa þetta í góðri trú um betri líðan. Nokkrum vikum síðar er neytandinn steindauður af vítamínískri ofheilsu.

Vítamín tengd hærri dánartíðni

Athugasemdir

[Anna Sigríður Guðmundsdóttir, 11.10.2011 kl. 11:26]

Nú er lyfjamafían farin að örvænta vegna þess að skorturinn, sem er staðreynd að er mjög algengur, m.a. vegna eitraðrar matvöru, einhæfrar fæðu og ekki síst ofnotkunar á pensillíni (pensillín skemmir næringarupptöku).

Þeim fjölgar sem ekki hafa auraráð til að borða hreina, holla og fjölbreytta fæðu.

Skortur skapar mjög marga erfiða sjúkdómana sem lyfjamafían lifir á. Þetta vita nú þegar svo margir, að hinir "háu" klíku-lyfjamafíu-kóngar komast ekki upp með að tala niður þessa staðreynd lengur.

Magnesíum er til dæmis heilsunni nauðsynlegt efni til að koma í veg fyrir marga sjúkdóma, sem lyfjamafían rakar saman auðæfum á, vegna gróða af lyfjasölu.

Gigtarlæknar sumir hverjir vita ekki (eða segja ekki frá), að t.d. vefjagigt er afleiðing magnesíumskorts. Sá skorts-sjúkdómur einn og sér er gífurlega algengur, og dýr fyrir einstaklinga, samfélagið og heilbrigðiskerfið. Hefðbundin læknisfræði segir að ekkert sé hægt að gera til að lækna vefjagigt.

Það kemur ekki á óvart að magnesíum hafi einmitt verið með í upptalningunni í þessari frétt. Ég tala af eigin reynslu um magnesíum, og besta magnesíumið heitir: Náttúruleg SLÖKUN. Best er að fá leiðbeiningar hjá heilsuvöru-verslunum um notkun.

Þessi staðreynd um vefjagigt verður ekki þögguð niður lengur.

Lyfjamafían getur ekki lengur staðið í vegi fyrir betri heilsu, eins og hefur verið hennar aðaláhugamál alla tíð.

Því miður.

En það skiptir að sjálfsögðu mjög miklu máli að fólk kynni sér vel að vítamín, steinefni og snefilefni sem það notar hafi vottun vandaðrar og ekta vöru. Og fái leiðbeiningar um hvað skortir hjá hæfum meðferðar-aðilum. Það er fjöldinn allur af færu og heiðarlegu fólki starfandi við óhefðbundnar lækningar á Íslandi, sem betur fer. 

Það er hver og einn ábyrgur fyrir sinni heilsu í sambandi við það sem snýr að næringu, og með hverju, og láti ekki lyfjamafíukónga ráða. Læknar eru ekki öfundsverðir að vera í heljargreipum svona lyfjamafíu-klíku. En þeir eru nú sem betur fer farnir að starfa með óhefðbundnum meðferðaraðilum sumir hverjir. Það er þakkarvert.

Þessum málum þurfa fjölmiðlar að sinna miklu betur en gert hefur verið.

M.b.kv.

[Níels A. Ársælsson., 11.10.2011 kl. 17:15]

Það varð frægt hérna um árið að mig minnir þegar frú Ingveldur hélt sig vera að taka c-vítamín en þá reyndist Kolbeinn hafa falið stinningarlif í vítamínboxinu.

Ef ég man rétt fékk Borgargagnið að finna tyrkneska stafróið á eigin skinni er frú Ingveldur birtist óforvant nakin inn í svefnherbergi Borgargagnsins þar sem hún lá sofandi nakin ein í rúminu og átti sér einskis ills von.

Hvernig endaði aftur það vítamín flipp frú Ingveldar ?

Vítamín eiga sér greinilega ýmsar hliðarverkanir :-)