Mannheld girðing á miðhálendinu

Það er geðslegur andskoti að kveikja í bifreið svona snemma að morgni. Þeim, sem vilja vekja samborgra sína með svona tiltektum, er ekki sjálfrátt. En svona eru bölvaðir fjrálshyggjumennirnir innréttaðir, einlægt tilbúnir að hrella saklaust fólk með efnahagshruni, bílabrennum og landasölu.

Nú eru sem betur fer uppi hugmyndir uppi í Stjórnarráðinu um að flytja alla frjálshyggjumenn uppá miðhálendið og geyma þá þar innan mannheldrar girðingar. Þetta væri mikið þjóðþrifaverk, því almenningur á að sjálfsögðu heimtingu á að vera óhultur fyrir þessari óhugnanlegu plágu.

Eða hver man ekki eftir því þegar fundarmenn og konur á hátíðarfundi frjálshyggjufélgs nokkurs tóku sig til á miðri samkomu og hlupu út og pissuðu á götuna til að mótmæla því að bannað væri að pissa á götuna? Svona lið á auðvitað hvergi annars staðar heima en bak við fjöll og öræfi, - í mannheldri girðingu.

Reyndi að kveikja í bíl

Athugasemdir

[Ásthildur Cesil Þórðardóttir, 17.10.2011 kl. 10:29]

Er ekki bara ráð að láta Núpó sjá um þá upp á jörðinni sem hann vill svo endilega kaupa.  Nógu langt í burtu og soleiðis. 

[Jóhannes Ragnarsson, 17.10.2011 kl. 19:41]

Ég held að Núpóstaðir á Fjöllum séu of nálægt þjóðvegi að forsvaranlegt sé að geyma frjálshyggjuvandræðagemlingana þar.

[Ásthildur Cesil Þórðardóttir, 17.10.2011 kl. 21:40]

Þú sagðir Mannheld girðing