Hver verður miðaldabyskubb við miðaldakyrkju Icelandair?

Þetta er nú aldeilis gott verkefni fyrir hann Árna okkar Johnsen. Við skulum vera viss um, að hann einhendir sér að fullum krafti í að rífa miðaldakirkjuna uppúr jörðu eftir að hann er búinn að smíða hrútakofann þarna í Skálholti.

Nú, svo þarf að finna alminnilegan byskub fyrir miðaldakirkjuna svo hægt verði að sýna hana ferðamönnum. Samkvæmt almannavilja koma aðein þrír einstaklingar til greina til að taka vígslu til þessa veigamikla embættis, en það eru: Guðni Ágústsson, Bjarni bóksali og Stjörnusýslumaðurinn Stones á Selfossi. Auðvitað er afar erfitt að velja milli þessara heiðursmanna, en ljóst er að hver þeirra gæti gengt embætti miðaldabyskubs í Skálholti með einstökum sóma.

Ef ekki næst samkomulag um einhvern ofangreindra þremenninga, væri skynsamlegast að kalla saman nefnd særingamanna og láta þá freista þess að vekja Brynjólf byskub upp frá dauðum, eða Jón Vidalín, eða Þollák byskub helga, sem rak búðin, sem faðir Árni og hans kapelánar eru að endurreisa þessa dagana og óráðvandir menn halda fram að hafi verið hrútakofi. 

Miðaldakirkja rísi í Skálholti

Athugasemdir

[Jón Valur Jensson, 16.11.2011 kl. 00:33]

Biskup situr nú þegar í Skálholti, Jóhannes minn.

Kristján heitir hann Valur Ingólfsson!

Og ekki veit ég betur en Bjarni bóksali sé rammheiðinn!

En þetta er verkefni sem gæti vel borgað sig með tíð og tíma. Ættum þó að fara varlega í sakirnar. Samt reis menning Íslands hvað hæst þarna og engin ástæða til að grínast með það. Arkitektúrinn er líka rannsóknar- og aðdáunarefni, og Hörður Ágústsson gerði þeim málum góð og verðug skil.

Þú ert reyndar góður í að gera að gamni þínu. Vigtin er samt ekki mikil í þessu gamansama bloggi.

[Gunnar Th. Gunnarsson, 16.11.2011 kl. 00:38]

Ég veit um einn sem er eins og sniðinn í hlutverkið. Hann er forn í útliti, hugsun og háttum og klæðist eingöngu fötum í jarðarlitum. Svo hefur hann skegghýjung sem lýtur út eins og ekki sé enn búið að finna upp rakhnífa. Hann tjáir sig gjarnan með hnefann á lofti og virðist alltaf illvígur að sjá. Þegar hann brosir, sem er fremur sjaldgæft, er hann eins og álfur úr hól eða púki á fjósbita.

Steingrímur J. Sigfússon er maðurinn.

[Jón Valur Jensson, 16.11.2011 kl. 00:41]

Merkileg mannlýsing.

Gunnar, við ráðum þig strax í almannatengsl !

[Gunnar Th. Gunnarsson, 16.11.2011 kl. 00:51]

Þessi lýsing skrifaði sig nú eiginlega sjálf. Afskaplega þjóðlegur maður, hann Steingrímur

[Gunnar Th. Gunnarsson, 16.11.2011 kl. 00:55]

Spurning hvort Jóhanna fái ekki hlutverk biskupsfrúarinnar... svo virðuleg með silfurslegið hárið.

[Ásthildur Cesil Þórðardóttir, 16.11.2011 kl. 10:40]

Þarna var Steingrími vel lýst