Jóhannes Ragnarsson

20.11.2011 | 11:45

Og slátrið hangandi niðrúr

Ummæli Bills Hudsons um fyrrum eiginkonu sína minna óneitanlega á keimlíkar fullyrðingar í lögregluskýrslu, sem hafðar eru eftir Kolbeini Kolbeinssyni skrifstofustjóra. En svo var mál með vexti, að Kolbeinn Kolbeinsson tók sig til fyrir nokkrum árum og kærði eiginkonu sína fyrir eitt og annað sem sneri að þeirra hjónabandslegu samskiptum. Í nefndri lögreglu skýrslu er meðal annars haft orðrétt eftir Kolbeini: ,,Hún (frú Ingveldur) er gjörsamlega kynlífssjúk; hún veður um allt ríðandi röftum og segir mér að halda kjafti og fara til andskotans og hótar mér líkamsmeiðingum og öðru ofbeldi þegar ég finn að háttalagi hennar. Auk þess hefur hún borið uppá mig að ég sé hommi." Á öðrum stað segir í skýrslunni: ,,Þetta helvítis kvæ kom nærbuxnalaus heim um miðjan dag í miðri viku eftir að hafa verið í heimsókn hjá Máríu borgargagni og Indriða handreði, en þau eru bæði druslur, stórbrenglaðir kynvillingar og óráðvendishundar." Skýsrslunni lýkur svo með þessum orðum: ,,Að skýrslutöku lokinni var K.K. færður í járn og lokaður inni í fangaklefa." Undir skýrluna ritar, Hálfdán Ögmundsson varðstjóri.

Sama dag bankaði Hálfdán varðstjóri uppá hjá frú Ingveldi, furðu andstuttur og með eftirvæntinarglampa í augum og var boðið til stofu.

Þegar Kolbeini var sleppt úr prísundinni, skreið hann beint heim til sín og hugðist sleikja sár sín eins og barin hundur. Hann var ekki kominn nema inní forstofu þegar frú Ingveldur kom albrjáluð á móti honum og sagði að kynóður lögregluvarðstjóri hefði komið í heimsókn og ætlað að nauðga sér. - En honum varð nú ekki kápan úr því klæðinu, öskraði frú Ingveldur framan í mann sinn, - því ég kom klofskærum á hausinn á honum og var ræstum búin að kæfa hann. Þegar ég sleppti, skreið hann út á hjánum með skyrtuna uppúr og opna buxnaklauf og slátrið hangandi niðrúr."