Ekki í fyrsta sinn sem hundar drepa eiganda sinn í Tékkó

Í byrjun fyrra stríðs gerðis sá ömurlegi atburður í Prag, að sjö hundar af misjöfnum uppruna, rifu eiganda sinn, Bretschneider leynilögreglumann, á hol og átu hann upp til agna. En Bretschneider leynilögreglumaður hafði lokað sig inni með hundaskrímslunum og svelt þá þar til þeir urðu óðir af hungri, og því fór sem fór.

Á nýjunda tug síðustu aldar, hélt Pálína Guðnadóttir einsetukona að Bræðraborgarstíg í Reykjavík tvo myndarlega hunda af labrador kyni, sem hún kallaði Hupp og Hróðmar. Pálína var séð kerling og fór öðruvísi að en tékkneska frúin og landi hennar Bretschneider leynilögreglumaður: Hún stríðól nefnilega hundana sína á rjóma og hvítasykri þar til þeir hlupu í spik. Þegar Pálína varð ánægð með holdarfar Hupps og Hróðmars, slaktaði hún þeim á eldhúsgólfinu heima hjá sér og gerði úr þeim gómsæta rétt, sem hún át sér til mikillar ánægju.

Hópur Rottweiler-hunda drap konu

Athugasemdir

[Guðmundur St Ragnarsson, 9.12.2011 kl. 22:35]

Lærdómurinn sem draga má af þessu er því sá að það er varasamt að vera Tékki ef maður á hunda?

[Guðmundur St Ragnarsson, 9.12.2011 kl. 22:36]

Eða réttara sagt að eiga hunda ef maður er tékkneskur?

[Jóhannes Ragnarsson, 9.12.2011 kl. 22:40]

Já, tvímælalaust, Tékkar kunna andskotann ekkert með hunda að fara. Úti í Prag sá ég að margir útgangsmenn bjuggu þó það vel að eiga hund, sem var eins raunamæddur í framan og eigandinn.

[Magnús Sigurðsson, 9.12.2011 kl. 22:40]

Það er alltaf ánægulegt þegar vitnað er í andlegar bókmenntir og minnir mig á að ég á eftir að lesa góða dátan mér til  heilsubótar þetta árið.

[Jóhannes Ragnarsson, 9.12.2011 kl. 22:50]

Góði dátinn er sannkölluð heilsulind, mikið betri en allar worldclassskítabúllurnar.

[Arngrímur Stefánsson, 9.12.2011 kl. 22:54]

Víst kunna Tékkar með hunda að fara. 

Ef þú átt ævagamlan öldung skaltu þrífa tennurnar á honum með smerli, því næst skaltu blanda hrafntinnu í vatn til að gefa honum svartan lit, og gefa honum blómavín svo hann verði vinalegur og vilji vera vinur allra.  Þetta lærði ég af Austur-Ungverskum hermanni nokkrum sem hét Svjek. 

Ég er ekki frá því að sá hinn sami maður hafi selt Bretschneider hundana, og þau viðskipti hafi farið fram á knæpunni Bikarinn.

[Jóhannes Ragnarsson, 9.12.2011 kl. 23:11]

Nokkuð til í þessu, Arngrímur, nema hvað Svejk sá er ég þekki, er hreinræktaður tékki frá Prag.

[Arngrímur Stefánsson, 10.12.2011 kl. 01:27]

Rétt er það, en Bæheimur, eða Bohemia(Tékkland í dag) var þá hluti ásamt slóvakíu(sem seinna mynduðu Tékkóslóvakíu) af Austur-Ungverska heimsveldinu, en það var landið sem Svjek bjó í, og barðist fyrir í stríðinu 1914-1918.  (nema hann var um sinn í Rússneskum herbúning) en það land liðaðist sundur eftir stríð. 

Tékklandinu var stjórnað af austurískum/þýskum yfirmönnum.  Vegna þessa megnu þýskuvæðingar urðu Südetahéröðin setinn af Þjóðverjum, þar á meðal Budejovice, sem er oftast í dag kallað þýska nafninu Budweiss. 

Ef þér óskið, skal ég endilega gefa þér hljóðbókina, sem Gísli Halldórsson les, á hljóðbók.  Við erum jú sveitungar, þótt þú sért úr Ólafsvíkinni.

[Gunnar Th. Gunnarsson, 10.12.2011 kl. 03:54]

Þú átt það til að vera skemmtilegur, Jóhannes.