Strákakettlingarnir sem lugu upp andláti ömmu þeirra

Það er alltaf jafn einkennilegt þegar menn taka sig til og tilkynna móður sína steindauða. Það minnir mig á þegar strákakettlingarnir, Sigmundur Dávíð, Gvendur Steingríms og Höskuldur Þórhallsson, tóku sig til fyrir síðustu alþingiskosningar og lugu því upp, að gamla Framsóknamadaman, amma þeirra, væri dáin og farin til Guðs. Og ýmsir voru svo einfaldir og trúgjarnir, að þeir trúðu því að gamla konan væri látin. En þegar blöð og netmiðlar fóru fyrir nokkrum dögum síðan, að birta myndir í belg og biðu af Halldóri, Finni, Ólafi bónda á Miðhrauni, Alfreði Þorsteins og fleiri slíkum, dylst engum, að blessuð Framsóknarmadaman er því miður enn í fullu fjöri og ódauð með öllu. Sannast þar hið fornkveðna, að það lifir lengst sem lýðum er leiðast.

 

Falsaði dánartilkynningu móður sinnar

Athugasemdir

[Helga Kristjánsdóttir, 10.12.2011 kl. 04:27]

 Maddaman lifir,mr.Það er nauðsynlegt að eiga pólitíska óvini,til að skeyta skapi sínu á. Nú, það er ólund í okkur öllum,svona öðru hvoru,nema hvað,, eftir hörmulega kreppu,sem var mér og þér að kenna eða hvað? Pólitík var skemmtiatriði í minu ungdæmi á þingeyri. Besta vinkona mín flutti með foreldrum sínum til Ólafsvíkur,ég hugsaði Ólafsvík þegjandi þörfina. Bíddu, svo er  eiginmaður minn fæddur Ólsari, staðurinn varð á augabragði eins og Betlehem,þótt ég legði þann viðburð ekki að jöfnu.         En maddaman,mamma mia,ég var hálfhrædd við Kaupfélagsstjórann,það fór nú ekki fram hjá ungviðinu hvernig landið lá. En síðan eru þessir andstæðingar þvílík gersemi. Þannig villa stjórnmál manni sín,þar til skinvillan hverfur og gáttir opnast með ótrúlegri sýn og uppgötvun á allt öðrum kónum. Land og þjóð skal nýtt í krafti valdsins,fyrir útlendinga,þeir skulu drottna.Landsöluliðið uppsker Júdasar-laun sín.  Ég var þar til fyrir 5 mín. ákveðin að þurrka þetta út,en er hætt við það og læt flakka.Þetta bara kom og fer,góða nótt.