Þúveist þúveist. Innihald ekkert. Nýttnýtt nýttnýtt

Það er greinilegt að Gvöndur Steingríms og Heiða P. ætla að gera eigöngu út á lýsingarorðið ,,nýtt" til að afla fyrirhuguðum, innihaldslausum stjórnmálaflokki þeirra fylgis. Í Silfri Egils, núna áðan, var ,,nýtt nýtt" og ,,þúveist, þúveist - þúst - þúst" upphafið og endirinn á öllu kapítalíska tómhyggjuruglinu, sem þessi skötuhjú höfðu fram að færa.

Annars var dálítið fyndið í aðra röndina, að fylgjast með stirðnaða aulabrosinu, sem Gvöndur karlinn hefur komið sér upp. Þessi furðulegi svipur harmónerar nefnilega algjörlega við hina einskisnýtu flokkstofnun, sem hann þykist vera að bjástra við með Gnarrinu og Heiðu ,,þúveist."

Nýtt fólk meldar sig daglega

Athugasemdir

[Ásthildur Cesil Þórðardóttir, 11.12.2011 kl. 15:38]

Hahaha þú kannt að koma orðum að þessu Jóhannes.

[Jón Steinar Ragnarsson, 11.12.2011 kl. 16:35]

Já það er undalegt að sjá fólk rjúka af stað til að stofna stjórnmálaflokk en vera "að sjálfsögðu" ekki búin að móta stefnuskrá, eins og Gvendur orðar það. Ég hélt alltaf að það væri hugsjónin og málefnin, sem rækju menn inn á sviðið. Þetta er svona eins og að stofna trúfélag án þess að vera búinn að gera upp við sig hver átrúnaðurinn verður.

Þetta er ansi sjálfhverft allt saman og markmiðið augljóslega að gera sjállfan sig að númeri. En Gvendur nær ekki kvaðratrótinni af neinu, svo þetta er andvana fætt "að sjáfsögðu". 

[Sigurður Hrellir, 11.12.2011 kl. 17:26]

Af hverju gefið þið þessu ekki tækifæri? Það er líklega hálft annað ár til næstu alþingiskosninga. Mér hefur nú ekki sýnst að þið séuð neitt í skýjunum með Steingrím J. og flesta aðra sem hér ráða ríkjum.

[Jóhannes Ragnarsson, 11.12.2011 kl. 18:54]

Ekki eru ég og Jón Steinar svo miklir menn, að við séum líklegir til þess að Gvöndur Steingríms og Gnörrin fái ekki þau tækifæri sem þeim þóknast.