Jóhannes Ragnarsson

20.12.2011 | 22:42

Kobbi Stöðmaður, Venni skógartíta og Kim Jong-il

Það er fyrir mestu að gott hljóð sé þessa dagana í kaupmönnum og Köbba Stöðmenni. Reyndar mun Kobbi Stöðmenni vera illa gigtveikur um þessar mundir og blæs einhverskonar sápukúlum þegar hann talar. Útaf þessum kvillum verður hann að baða sig uppúr grænsápu og éta kattarláfujafning í hvert mál. Það er sem sé ekki tekið út með sældinni að vera Kobbi Stöðmenni og þurfa meðfram heilsuleysinu að fylgjast með andlegum sveiflum kaupahéðna í Reykjavík og standa Gnarrinu samviskusamleg skil geðheilbrigði þeirra frá degi til dags.

Það varpaði þó meinlegum skugga á ánægju Kobba, kaupmanna og Gnarrsins þegar sá armi dólgur, Venni skógartíta, gerði sér lítið fyrir og meig eins og hundur utaní kyrrstæðan bíl á Laugarveginum á sama tíma og fréttir bárust af ótímabæru andláti Kim Jong-il. Enda gera sér flestir grein fyrir, að ef þetta asnaspark Skógartítunnar spyrst út fyrir landsteinana, mun það hafa mjög neikvæðar afleiðingar í för með sér hvað varðar erlendar fjárfestingar í framtíðinni.