Smá-ópíum í rassinn á almenningi

Jæja já, - gaman gaman. Það er nefnilega það.

Svo Steingrímur og Jóhanna hafa í huga að nota hreyfingarfólkið fyrir smá-ópíum í rassinn á almenningi. Það var viðbúið.

Og hreyfingarliðar tilbúnir tilbúnir til að flikka uppá endurreisn Gamla Íslands, - náttúrlega út frá stefnuskrá Hreyfingarinnar. Nema hvað?

Það er áreiðanlega fjarska gaman að taka þátt í svona skeinisblaðapólitík.

Og þegar Steingrímur og Jóhanna verða búin að farða á sér nefin með Hreyfingunni, verða Birgitta, Þór og Margrét loksins komin í eina sæng aftur með Þráni Bertelssyni. Það er því til mikils að vinna fyrir þau, blessuð.

Í viðræðum við ríkisstjórnina

Athugasemdir

[Ásthildur Cesil Þórðardóttir, 29.12.2011 kl. 14:08]

Þau setja mikið niður í mínum huga ef þau ganga þarna inn.

[Jóhannes Ragnarsson, 29.12.2011 kl. 14:19]

Það eina sem þau hafa uppúr krafsinu er verða aðhlátursefni útum allt land.

[Ásthildur Cesil Þórðardóttir, 29.12.2011 kl. 14:47]

Ansi er ég hrædd um það Jóhannes minn, ég lít í eigin barm og finn nákvæmlega þessa tilfinningu, þó er ég ekki kjósandi þeirra.

[hilmar jónsson, 29.12.2011 kl. 15:08]

Þú meinar, meira aðhlátursefni Jóhannes ?

[Magnús Sigurðsson, 29.12.2011 kl. 15:25]

Það eitt nægir, að þau í Hreyfingunni hafi gefið sig á tal við helferðarhyskið, til þess að stórefast um það sem fer fram á milli eyrnanna á þeim. 

Þess er skemmst að minnast að jafnvel sjálfur Össurinn, einn dyggasti þjónn gamla Íslands, hefur áttað sig á að það þarf að endurnýja forustu flokkanna.

Það er orðin raunveruleg hætta á að forustan verði sjálfdauð á Nýja Íslandi.  Til að átta sig á þeirri staðreynd er nóg að skoða ljósmyndir.

[Jóhannes Ragnarsson, 29.12.2011 kl. 15:51]

Já, Hilmar, ætli ég hafi ekki meinað ,,meira aðhlátursefni."