Yfirvofandi andlát Hreyfingarinnar ofaní fjórflokksdíki ríkisstjórnar

Ætli sé ekki bara farsælast að Hreyfingin andist þegjandi og hljóðalaust inní ríkisstjórnina? Það myndi þó skýra línurnar örlítið hvað varðar baráttuna gegn samtryggingu fjórflokksvaldsins. Ég efast ekki um að Hreyfingarliðar eiga samleið með Steingrími, Jóhönnu, Össuri og Álfheiði Ingadóttur, enda nægilega hægrisinnaðir til að mala og kumra í fanginu á slíku heiðursfólki.

Og það sannast hér enn sem áður, að ,,Júdasar líkar lenda leiksbróður sínum hjá", eins og Hallgrímur sálugi Pétursson segir í Passíusálmum sínum.

Eiga samleið með stjórninni

Athugasemdir

[Anna Sigríður Guðmundsdóttir, 29.12.2011 kl. 18:03]

Jóhannes. Þetta finnst mér ótímabært og óskiljanlegt verklag hjá Hreyfingunni. Ég hélt að þau væru búin að þjarka nóg á alþingi án þess að ná nokkrum málum í gegn, til að vera búin að átta sig á hvernig "lýðræði" ríkir hjá þessari einræðis-ríkisstjórn?

Ríkisstjórnin er of smituð af ólýðræðislegum og spilltum vinnubrögðum, til að hægt sé að bjarga henni frá að steypa þessari þjóð endanlega í þrældóm.

Það er ennþá margt sem hægt er að eyðileggja til viðbótar með feigðarflani núverandi stjórnvalda, ef fólk fer ekki að opna augun og sjá hlutina í réttu og sönnu ljósi.

Er virkilega meiningin að draga taum þeirra sem eru í óábyrgum skollaleik með líf fólksins í þessu landi?

Ekki átti ég von á þessu frá Hreyfingarfólkinu. Hvað veldur svona bollaleggingum hjá þeim, á stjórnleysis-heimilinu við Austurvöll?

Það er greinilega auðveldara að synda með feigðar-straumnum en gegn. Það þykir sjálfsagt flestum auðveldast í augnablikinu að vera ekki að berjast fyrir verðskulduðu lífi almennings á Íslandi, með eigin auðlindum.

Hugmyndin er líklega að auðlinda-ríkasta land veraldar miðað við fólksfjölda, ræni góðum lífs-skilyrðum gegnum sameiginlegan ESB-sjóð fátækra og auðlynda-snauðra þjóða Evrópu.

Þvílíkur hugsunarháttur ef rétt reynist. Vonandi er hugarfarið ekki svo slæmt.

Lengi getur vont versnað.

M.b.kv.

[Björn Emilsson, 29.12.2011 kl. 19:16]

Ja, nú þykir mér týra. Landráðaflokkarnir hafa nú tvær hækjur, Hreyfinguna og Besta Guðmundar liðið. Fari sem horfir eru þeir komnir með öruggan meirihluta við innlimun Islands í Stórríki Þýskalands.

[Ásthildur Cesil Þórðardóttir, 29.12.2011 kl. 22:34]

ef þetta verður ofaná hjá Hreyfingunni þá fari þau og veri.  Ég hefði ekki trúað þessu, en svo bregðast krosstré sem önnur.  Þetta mun samt ekki duga til hef ég trú á, því um leið og ríkisstjórnin hendir Jóni og Árna Páli út, hef ég trú á að einhverjir þeirra manna fylgi þeim eftir. En við skulum sjá til.