Heyrðu Jón minn, eigum við ekki bara að endurstofna VG?

Nú, þegar Vinstrihreyfingin grænt framborð, er orðin svo innilega úrkynjuð af ESB-sjúkdómi, auðvaldsþjónkun, óstjórn og uppdráttarsýki, að ekkert getur stöðvað að hún fari að berja nestið á næstu dögum, þá er aldeilis komin tími til að endurmeta stöðuna af fullri einurð og hugsa stórt.

Það átti sem sé fyrir Steingrími okkar hérna að liggja og flokkseigendafélagi VG, sem á að sjálfsögðu Steingrím líka eins og hann leggur sig, að drekkja umræddri vinstrihreygingu og grænu framboði í kviksyndi íhaldsframsóknarkratismans, ESB og Alþjóðagjaldeyrissjóðsins.

En ekki tjáir að gráta afglöp og hroka Steingríms bónda, heldur safna lið og sýna karlfauski þessum og búrtíkum hans hvar Davíð vinur þeirra keypti ölið. 

Það stendur því uppá okkur sósíalista, Jón minn, að endurstilla allt heila klabbið með einhverjum hætti. Ég mæli með því að við endurstofnum Vinstrihreyfinguna, án Steingríms, Álfheiðar, Sendiherrafjölskydunnar og undanrennulýðsins sem dillir sé og gjammar fyrir yfirstéttarslektið í VG. Það er nefnilega meiri eftirspurn en margann grunar eftir sósíalískum flokki hér á landi, ekki síst í ljósi þess að enginn slíkur flokkur hefur starfað hér um skeið en þeim mun fleiri íhaldsframsóknarflokkar, fjórflokkar, og heilmikið kraðak af nýstofnuðum og bráðlegastofnuðum auðvaldsflokkum sem allir eru jafnframt í dauðateygjunum af kæfandi frjálslyndi, réttlæti og alltumvefjandi auðvaldskærleika.

Það því ekkert sem heitir ljótt, Jón minn, að nú verða sósíalistar á Íslandi að láta slag standa og endurreisa samtök sín uppúr öskustó VG, enda er það heilög skylda þeirra.

Eigum ekkert erindi í ESB

Athugasemdir

[Níels A. Ársælsson., 6.1.2012 kl. 19:51]

Þarf ekki fyrst að venja Jón af Framsóknarmennskunni, Bjarna  bóksala og Þórólfi Gíslasyni áður en lengra verður haldið ?

[Brynjar Þór Guðmundsson, 6.1.2012 kl. 20:42]

Hallarbylting???

[Jóhannes Ragnarsson, 6.1.2012 kl. 20:54]

Hvort ætli sé erfiðara, að venja sig af tóbaki eða venja sig af framsóknarmennsku?

Hallarbylting? Nei, það held ég ekki, enda er VG-höllin hrunin til grunna. Það verður að byggja aðra höll.

[Níels A. Ársælsson., 6.1.2012 kl. 21:23]

Ég held að framsóknarfíknin sé verri en tóbakið .. í það minnsta hættulegri heilsu þjóðar.

[Jóhannes Ragnarsson, 6.1.2012 kl. 21:32]

Það er enginn vafi á að framsóknarmennskan er mikið eitraðri en tóbaksreykur, að maður minnist nú ekki á neftóbak. Í ljósi þessarar staðreyndar ætti hver framsóknarmaður að vera merktur í bak og fyrir með stuttri setningu eins og: Framsóknarmennska í návist barna er hættuleg lífi þeirra, eða: Framsóknarmennska veldur banvænu krabbameini í sálinni.

[Ágúst Valves Jóhannesson (IP-tala skráð) 6.1.2012 kl. 22:40]

Hvernig eru þá framsóknarmennirnir sem eru háðir nikótíni?