Talandi dæmi um stjórnlausa ESB-fíkn

Pistill Bryndísar Ísafoldar sannar kenningar Ögmundar Jónassonar um að ESB virki eins og sterkt eiturlyf á heila fólks sem lætur það eftir sér að byrja á að fikta með ESB og aðra þvílíka landsöluóra.

Á sínum tíma gerðust margir fársjúkir þrælar bandaríska hernámsins á Keflavíkurflugvelli með hræðilegum afleiðingum og er enn langt í land að öll sár grói sem tengdust kanafíkninni þar suðurfrá.

Og ekki var her morðvarganna frá Bandaríkjunum fyrr farinn frá Keflavík, en móralskar dreggjar þjóðfélagsins drífa annað baneitrað fíkniefni á markaðinn. Sem sé: ESB. Er nema von að sómakærum almenningi blöskri aðfarirnar?

Það er þyngra en tárum taki, að horfa á eftir efnilegu æskufólki að gefa sig ESB-eiturlyfjafíkninni á vald og fara í hundana. Við þessum erfiða sjúkdómi eru enn sem komið er engar nothæfar lækningar og sökum fjárskorts hins opinbera hefur enn ekki verið ráðist í að opna sérstaka geð- og fíknideild fyrir ESB-sjúklinga. Á meðan verður að notast við vatnslækningar, óðsmannsskyrtur, magadælur og ibrufen til að slá á verstu einkenni sjúklinganna.

Vissulega er pistill Bryndísar Ísafoldar talandi dæmi um stjórnlausa ESB-fíkn, sem eyðileggur útfrá sér meir en orð fá lýst. Tel ég einboðið, að téða Bryndísi Ísafold eigi tafarlaust að færa undir læknishendur, í spennitreyju ef ekki vill betur, því ekki kæmi mér á óvart að hún sé bráðsmitandi tilfelli sem nauðsynlegt sé að hafa í einangrun.

Hlupu út í búðirnar í Brussel

Athugasemdir

[Birgir Örn Guðjónsson, 31.1.2012 kl. 14:28]

LOL !

[Gunnlaugur I., 31.1.2012 kl. 14:55]

Bráðskemmtileg háðsgrein hjá þér.

Þessi Bryndís Ísfold er svo sannarlega haldinn bráðri enn beinlínis hlægilegri ESSB/BRUSSEL-fíkn.

Hvað ætli hún sjálf sé búinn að fara margar ferðir þangað út á dagpeningum fyrir utan að allur ferða og uppihaldskostnaður er greiddur af Áróðursmáladeild ESB.

Svo þar að auki er hún starfsmaður ESB á Íslandi eða þeirra samtaka sem fja´rmögnuð eru að mestum eða öllum hluta beint frá sjálfri ESB Stjórnsýslunni !

Hvaða silkihúfu- störfum á ofurlaunum ætli Brusssel Elítan sé búinn að lofa henni og þessu líði sem er orðið háð fíkninni takist þeim að ginna meirihluta þjóðarinnar til þess að fara í þessa sannkölluðu ESB ofskynjunar vímu með þeim.

[Gunnar Th. Gunnarsson, 31.1.2012 kl. 15:30]

Hlupu af fundi í Brussel til að komast í búðaráp!

Þetta lið kann ekki að skammast sín.

[Helga Kristjánsdóttir, 31.1.2012 kl. 16:55]

Ef þessi ummæli eru eitthvað til að laða fólk í Esb-apparatið eins og greinilega er ætlunin,þá fagna ég því hve þau eru lítlfjörleg.

[Ásthildur Cesil Þórðardóttir, 31.1.2012 kl. 17:48]

Já þetta er ótrúlegt.