Jóhannes Ragnarsson

2.2.2012 | 07:41

Fékk löngutöng á bólakaf

Það er ljóti vandræðamaðurinn þessi Karl Lagerfeld að njóta þess ekki í botn að láta hina og þessa klípa í rassinn á sér. Hitt er svo aftur annað mál, hvað það er sem hrjáir fólk sem hefur nautn af að klípa hrumt gamalmenni í afturendann. Það held ég sé ljóta skítapakkið.

Þá er áreiðanlega fróðlegt að fylgjast með þegar sá gamli staulast í baðklefa í almenningssundlaug. Þá er áreiðanlega klipið allt hvað af tekur þar til rassakinnar öldungsins og bláendi hans standa því sem næst í ljósum logum. Reyndar heyrði ég um daginn að hrjóstrugur karlfauskur hefði rekið löngutöng á bólakaf í ljótasta afkima Lagerfelds og hefði Lagerfeldur þá tekist á loft eins og himbrimi af heiðartjörn. Það var víst undurfögur sjón að sjá.

En það klípur enginn frú Ingveldi í rassinn nema einsusinni ef hún er í vondu skapi. Þannig barði hún Pálma forstjóra til óbóta eftir að hann hafði farið með aðra lúkuna gáleysislega um botninn á henni. Og í annað skipti gekk hún frá þrælmassaðri og bólginni trukkalessu sem hafði reynt sama leik og Pálmi forstjóri.

Af þessu má draga þann lærdóm, að Karli Lagerfeldi væri nær ráða sér rotara en tvífara í baráttu sinni við rassaklíparana.