Ráðlegt er að hafa í hakk

Við fyrsta yfirlestur á grundvallarstefnuskrá Liljuflokksins samstöðu, er ekki annað að sjá að þar eigi að pranga enn einum íhaldsframsóknarkrataflokknum ínná landsmenn, - í þetta sinn undir því yfirskyni að flokkurinn sé hvorki hægri né vinstri flokkur, né heldur miðjuflokkur.

Auðvitað er svona orðaleikfimi fullkomið rugl enda ætlað til að blekkja fólk. Og til þess er hinn pólitíski leikur Lilju, Marínós Njáls og Sigga storms gerður. Það er verið að reyna að búa til einhverja pólitíska sérstöðu, sem ekki er fyrir hendi í raun og veru, og þá er gripið til hefðbundinna óyndisúrræða í formi orðagjálfurs og blekkinga. Það er ljóst að Lilja hefur sópað til sín hrafli úr stefnuská VG, og einhverju gumsi sem íhaldsframsóknarkratar geta fellt sig við. Og hagfræðingastybban af prótséktinu leynir sér ekki eins og búast mátti við.

Þessi grautur er sem sé góður og blessaður til síns brúks og meiðir varla nokkurn mann og gerir engann aðsúg að auðvaldinu, borgarstéttinni og hinni hræsnisfullu snobbmenningu. Fyrir mína parta tek ég heilshugar undir, að samkvæmt Samstöðu Lilju, Marinós, Stormsins og íhaldskellingarinnar úr Garðabæ, að flokkurinn þeirra er ekki vinstriflokkur fyrir fimmaura, þrátt fyrir eitthvert ofátssmjatt um ,,norrænt velferðarkerfi” og hversdagslega aumingjagæsku.

Í grundvallarstefnuskrá Samstöðu Lilju og co er hvergi minnst á verkafólk eða verkalýsðhreyfingu, rétt eins og rúmlega 50 þúsund verkamenn innan SGS séu ekki til. Sem vel er skiljanlegt, af því aðtalsmenn stjórnmálaflokks sem afneitar vinstri, hægri og miðju, afneitar því líka að til sé verkalýðsstétt og borgarstétt, sósíalismi og kapítalismi. Það er engu líkara en þetta lið búi nú þegar í stéttlausu þjófélagi þar sem algjör jöfnuður ríkir og enginn er jafnari en aðrir.

Nú blasir við mikið tómarúm á hinum raunverulega vinstri væng íslenskra stjórnmála. Tómarúm sem Fjórflokkurinn, Lilja Mós, Gvendur&Gnörrin og önnur smáframboð hafa engann áhuga á notfæra sér, enda væri slíkt fullkomin hræsni af þeirra hálfu. Það er söguleg skylda íslenskra sósíalista að fylla tómarúmið á vinstrivængnum og það gera þeir með því að taka sama höndum og stofna róttækan sósíalistaflokk, byggðan á stéttarbaráttu, þjóðfrelsi og endurreisn verkalýðshreyfingarinnar á Íslandi.

C-vítamín þarf í samfélagið

Athugasemdir

[Anna Sigríður Guðmundsdóttir, 8.2.2012 kl. 09:40]

Jóhannes. Ef þú skiptir út orðinu afneitun, fyrir orðið viðurkenning, þá fáum við út sanngjarna umræðu.

Samstaða skilur engan útundan, og tekur tillit til heildarinnar. Aldrei hefur verið meiri þörf á samstöðu þessarar þjóðar. Og allir meðtaldir, bæði þeir "góðu" og þeir "vondu".

Þetta er mín skoðun.

M.b.kv.