Illvígur geðkrabbi

Hvað ætli þessum vesalingum, sem vilja ólmir selja útlendingum stórar spildur af landinu, gangi raunverulega til? Er verið að bera fé á þessi undirmálskvikindi, eða eru þetta einfaldlega jarðsambandslausir einfeldningar og tómhöfða fífl?

Og hvað á fólk að halda um sveitarstjórnarmenn sem þjóta eins og andskotinn væri á hælum þeirra austur til Kína til að semja um ósiðlegan landsölugjörning við einhvern vafasaman skúrk? Á maður að vorkenna svona ræflum, eða væri rétt að setja sannleiksnefnd í málið til að komast að hvað þarna er á ferðinni? Reyndar eru sveitarstjórnarmenn upp til hópa stórfurðulegur þjóðflokkur, rótspilltur, sem veður blekkingarelginn og subbuskapinn uppað höku.

Þá er þáttur Samfylkingarinnar í þessum óhuggulega sóðaskap ansi athyglisverður. Hvað veldur þessum sjúku landsöluórum samfylkingafólks? Það er engu líkara en æðsta markmið þessa fólks sé að selja fullveldi og sjálfstæði þjóðarinnar og landið sjálft í hendur erlends valds. Svona framferði hlýtur öðru fremur að eiga upptök sín í einhverri sálfræðilegri bilun, illvígum geðkrabba, sem þarf að rannsaka af til þess bærum sérfræðingum á sviði sálarfræði og geðlækninga. 

Það er ekki nema von að fólk taki fyrir nefið þegar það heyrir Samfylkinguna nefnda á nafn.

Ekki einfalt að kaupa

Athugasemdir

[Umrenningur, 13.2.2012 kl. 08:32]

Sæll kappi.

Þú spyrð. Er verið að bera fé á þessi undirmálskvikindi, eða eru þetta einfaldlega jarðsambandslausir einfeldningar og tómhöfða fífl? Mitt svar við því er að ég tel að í þessari spurningu ert þú einfaldlega að lýsa eðli kratadrusla. Ég held að vinkona þín, Máría borgargagn hafi siðferði á mun hærra stigi en flestir ef ekki allir kratar.

Kveðja að sunnan.

[Helga Kristjánsdóttir, 13.2.2012 kl. 08:53]

Jóhannes sendi þér kveðju á fæðingarstað eiginmanns míns heitins, Sá hefði nú tekið undir með þér. Það geri ég af fullri einurð,helst hefði ég viljað blóta eins og mannýgur nautgripur,en reyni að passa að vera ekki rekin af blogginu. Við látum þetta ekki verða,það er orðið aðkallandi að fara í kröftug mótmæli,þessi stjórn verður að víkja. STRAX!

[Kristján B Kristinsson (IP-tala skráð) 13.2.2012 kl. 09:59]

Góð lýsing hjá þér á þessu liði Jónhannes, þig skortir ekki orðfærin frekar en fyrri daginn. 

[Ásthildur Cesil Þórðardóttir, 13.2.2012 kl. 12:46]

Góður! Innilega sammála.

[Jóhannes Ragnarsson, 13.2.2012 kl. 13:30]

Þakka ykkur viðbrögðin við pistlinum.

Ég birti þennan pistil líka á DV-blogginu og þar virðist hann fara eitthvað í taugarnar á sumum.

[Ásthildur Cesil Þórðardóttir, 13.2.2012 kl. 13:34]

Kemur ekki á óvart hahahaha

[Eyjólfur Jónsson, 14.2.2012 kl. 14:10]

Sæll Jóhannes minn, mikið ertu orðinn orðljótur upp á síðkastið. Þeir verða eins og kórdrengir, kjaftaskarnir miklu á blogginu í samanburði við þig. Ég held að þetta sé vegna þess að ég hef ekkert skrifað á bloggið þitt í laaaangan tíma og þú hefur hagað þér eins og beljurnar á vorin þegar þær fara út með ógurlegum rassaköstum fyrsta daginn. og mun ég þess vegna skrifa reglulega um kristinfræði á bloggið þitt núna næstu daga og jafnvel vikur eða þar til munnsöfnuður þinn verður eins og englasöngur í himnaríki.

[Ásthildur Cesil Þórðardóttir, 14.2.2012 kl. 14:43]

 Ætli það frjósi ekki fyrr í Helvíti. 

[Eyjólfur Jónsson, 16.2.2012 kl. 22:12]

Má vera að frjósi í Helvíti og púkarnir standi núna fyrir utan  Gullna hliðið og vilja komast inn í hlýjuna. Best væri kannski að skrifa bara beint upp úr Kóraninum á þessa síðu. Þar er orðbragðið kannski eitthvað í stíl við orðbragð Jóhannesar. En Jóhannes er í sjálfu sér Biblíuorð svo kannski er bara að endurtaka það dagalega. Kannski það? Jóhannes Jóhannes Jóhannes Jóhannes J.........

[Ásthildur Cesil Þórðardóttir, 16.2.2012 kl. 22:40]

Jamm þetta er Jóhannesar(guð)spjall.

[Eyjólfur Jónsson, 18.2.2012 kl. 13:22]

Sko Ásthildur! það er þegar farið að sljákka í Jóhannesi eins og sjá má að hann er ekkert að kasta grjóti í okkur.

[Ásthildur Cesil Þórðardóttir, 18.2.2012 kl. 15:51]

Nei enda er það sem við segjum græskulaust gaman Ég held að hann kunni bara vel að meta slíkt.