Jóhannes Ragnarsson

6.3.2013 | 19:21

Þegar frú Ingveldi var vikið af Nýjum Félagstíðindum.

Í þessu sama lenti frú Ingveldur þegar hún var aðstoðarritstjóri Nýrra Félgstíðinda á tíunda áratugnum. Ný Félagstíðinsdi vóru sem kunnugt var málgagn Sambands sannra sjálfstæðismanna (SSS). Tildrög málsins voru á þá leið, að frú Ingveldur komst á snoðir um að aðalritstjórinn, sérlega góður og gegn sjálfstæðismaður, lét aldrei tækifæri framhjá sér fara að míga í vaskinn í eldhúsi Nýrra Félagstíðinda.
Til að venja ritstjórann af þessarri sóðalegu óhæfu, fékk frú Ingveldur rafvirkjameistara til að leiða sterkan rafstraum í vaskinn. Næst þegar ritstjórinn hélt að enginn sæi til hljóp hann að vaskinum, reif buxnaklaufina uppá gátt, leiddi lim sinn út og byrjaði að míga. Migan varð ekki löng, því ritstjórinn fékk samstundis gríðarlegt raflost í sköndulinn, kastaðist útí vegg og lyppaðist þar niður eins og marglytta.
Auðvitað dró aðgerð frú Ingveldar dilk á eftir sér. Ritstjórnin var kölluð saman með hraði og samþykkti með öllu greiddum atkvæðum að víkja frú Ingveldi úr starfi. En aðalritstjóranum voru greiddar bætur, bónusar tengdir við laun hans og honum tryggður forkaupsréttur að allskonar hlutabréfum í álitlegum fyrirtækjum á borð við Exixta, Kauthing, Askar kapítal og Gift.