Flöt hávaðafabrikka ærir Kanann og fíflar fávísa Íslendinga.

Það er víst varla að undra að illa upplýstir fáráðlingar í Bandaríkjunum ,,ærist allir samam, öskri og veini gaman, gaman, þega þeir hlusta á vanslausu flathljómsveitina Of Monsters and Man. Á Íslandi krossa menn sig afturámóti verði þeim gengið framhjá þar sem söngsveit þessi er að spúa út sinni náttúrulausu hljóðmengun.

Þó eru til framúrskarandi tómar hlandskjóður íslenskar, sem telja sér trú um að pípífrussið í Of Monsters and Men sé voða góð hávaðafabrikka, þetta sé jafnvel hljómsveit skipuð tónlistarmönnum, fyrst Kaninn er sagður kunna að meta þessar flötu hljóðnauðganir. 

Rúllað yfir Bandaríkin

Athugasemdir

[Arnór Baldvinsson, 5.6.2013 kl. 17:21]

Sæll Johannes,

Þú hefur greinielga annað hvort aldrei hlustað á Of Monsters and Men eða hefur ekki smekk fyrir góðri tónlist og góðum söng.  Svo sem ekkert um það að segja en mér finnst alveg óþarfi að viðhafa svona munnsöfnuð:)

Kveðja,

[Snorri Hansson, 6.6.2013 kl. 02:13]

Jóhannes.

Eftir að hafa lesið þennan pistil og nokkra aðra,er alveg morgunljóst að Gvendur galni hefur verið nákominn ættingi þinn.

" Gvendur sýslumaður var geggjaður og heimskari en sauðnaut ofan af Grænlandsjökli"

Sjáðu þetta smell passar!

[Jóhannes Ragnarsson, 7.6.2013 kl. 21:31]

Voðalega eru þið neikvæðir, strákar. En mér þykir þó mest fyrir því að þið skulið hafa smekk fyrir flatri og bragðlausri verksmiðjutónlist.

Svo get ég trúað þér fyrir því, Snorri, að samkvæmt Íslendingabók er ég alls óskyldur bæði Gvendi galna og Axlar-Birni. Geri aðrir betur!

[Snorri Hansson, 8.6.2013 kl. 02:40]

 Það er bara svona Jóhannes að stundum hef ég ragt fyrir mér og ég verð auðvitað að biðjast afsökunar á mistökunum. Og leita að Gvendi galna í mínu ættartré.

Það er ekki nóg að líkurnar séu yfir þyrmandi , það verða að vera sannanir!

[Jóhannes Ragnarsson, 11.6.2013 kl. 20:54]

Sannanir sko. Það verða vera vísndalega sannanir, rétt eins og fyrir blessuðu framhaldslífinu.