Óþarfa afskiftasemi

Ég held að menngreyinu hafi ekki verið ofgott að skemmta sér við mölva rúður í bíl fyrir framan Stjórnarráðshúsið, hvort heldur hann notaði grjót eða slaghamar við verkið.

Ef þetta hefur verið ráðherrabíll átti fortakslaust að láta manninn óáreittan við iðju sína, því fátt fer ráðherrum nýju auðvaldsstjórnarinnar betur en að vera ekið um á glæsivagni, sem duglegur og skemmtanavandur maður hefur beitt slaghamri. Beyglaður og skældur bíll með brotnar rúður er til að mynda hæfilegur lygaknörr fyrir þennan undarlega náunga, sem búið er að gera að forsætisráðherra, þar eð slík bifreið samsvarar sér einkar vel við framferði þessa forsætisráðherra, ósvífin kosningaloforð hans og óumflýjanleg svik hans við þau.

Það er ekki beint aðlaðandi ásjóna, sem við blasir, þegar ríkisstjórnin missir grímuna frá andlitinu eitt andartak.

Braut rúður við Stjórnarráðið

Athugasemdir

[Hörður B Hjartarson, 15.6.2013 kl. 08:44]

Þetta er ekki alls kostar rétt hjá þér Jóhannes , þetta er ekki ríkisstjórn , þetta er ríkis Ó stjórn , og það sem fólkið kýs yfir sig er ekki með eindæmum , tvídæmum eða margdæmum , nei ég skammast mín fyrir að tilheyra þessum landslýð - því miður , og það sem verra er; þetta er langt því frá í fyrsta skipti sem landslýður kýs yfir sig apaketti , skrifa og segi SANNKALLAÐA APAKETTI .

[Jóhannes Ragnarsson, 15.6.2013 kl. 09:31]

Þakka þér fyrir ábendinguna, Hörður, hún er réttmæt og líklega rúmlega það. Og ekki get ég verið annað en sámmála því sem þú segir um landslýðinn okkar og kosningar.

[Ragnar Gunnlaugsson, 15.6.2013 kl. 10:46]

Aumingjarnir skelfing eigið þið bágt.

[Guðmundur Ásgeirsson, 15.6.2013 kl. 12:59]

ósvífin kosningaloforð hans og óumflýjanleg svik hans við þau

Ég skil ekki alveg hvort þú vilt semsagt að þau standi við kosningaloforðin eða ekki? Fyrst það voru svona ósvífin loforð, er þá ekki bara fínt fyrir þig og annað fólk með það viðhorf, ef ekki verður staðið við umrædd, ósvífin loforð? Hvaða loforð eru það annars sem eru svona ósvífin, og hvað gerir svik við þau óumflýjanleg að þínu mati? P.S. Þennan pistill þinn skortir svo mikið upp á rökrænt innra samhengi að það er engin leið að skilja hvað þú ert eiginlega að meina.

[Jóhannes Ragnarsson, 15.6.2013 kl. 13:29]

Það er spurning hverjir það eru sem eiga bágt, Ragnar Guðlaugsson.

Fyrst fattarinn yðar er svona óhemju stuttur, herra Guðmundur Ásgeirsson, þá held ég að nægi að nefna loforðin sem framsóknarmenn gáfu skuldurum. Það er fullvíst að þeir sem glæptust til að kjósa Sigmund Davíð og hans hyski, verða fyrir miklum vonbrigðum á efndunum. Enda voru þar á ferðinni loforð, sem ekki var hægt að standa við. Framsóknarmenn einfaldlega lugu sig inná grandalausa kjósendur.

Og víst er um það, að niðurfelling á veiðigjöldum koma skuldugum heimilum ekki til góða.

Að lokum ráðlegg ég yður, herra Guðmundur Ásgeirsson að fá þér lengri fattara, til að freista þess að yður aukist skilningur á rökréttu samhengi hlutanna og vit yðar öðlist meiri hæfni til að greina á milli pólitíkra lyga og ósvífni annarsvegar og raunhæfs sanneika hinsvegar.