Þær náfrænkur, Framsóknarmaddaman og Rauðsmýrarmaddaman, hafa löngum verið samar við sig, enda margt líkt með skyldum.

Tjahh-há. Svo gamla Framsóknarmaddaman hefur skreiðst helblá, daunill og háfrotnuð uppúr gröf sinni til að útvega blessuðum niðursetningnum sínum, sem nú hefur verið gerður að forsætisráðherra, svo smekklegt sem það nú er, dulítið kot austur á landi.

Þetta góðverk hinnar dauðu og afturgengnu Framsóknarmaddömu er mjög í stíl við góðverkið sem Rauðsmýrarmaddaman, náfrænka Framsóknarmaddömunnar, framdi á Bjarti í Sumarhúsum þegar hún seldi Bjarti vinnumanni sínum draugabælið Sumarhús, eftir að Ingólfur sonur hennar hafði barnað vinnukonu hennar á laun. En hluti af kaupverðinu á Sumarhúsum var að Bjartur tæki hina þunguð vinnukonu með sér að Sumarhúsum og gengist við að hann væri faðir barnsins svo að engin skömm félli á Rauðsmýrarheimilið.

Meðfylgjandi mynd er af Framsóknarmaddömunni hvar hún á góðum degi hvílir lúin bein í gröf sinni.

Sauðfé við heimili forsætisráðherra