,,Dúxar geti aldrei orðið annað en drykkjurútar, blaðamenn eða undirkontóristar."

Aumingja blessuð manneskjan að lenda í þessum fjanda. Menn skulu ekki halda að það sé eithvert grín að verða dúx. Að verða dúx heyrir til læknisfræðilegum krankleika sem kölluð er dúxaveikin. Þessi leiðindasjúkdómur virkar, sem alkunna er, eins og blanda af hömlun og lömun auk náladofa í niðsnesinu í sumum tilfellum.

Í Brekkukotsannál, bls 139, er sagt frá dúxasjúkdómnum á þessa leið: - Mér er sagt ég hafi í skóla verið sú tegund af fáráðlingum sem hafa dúxaveikina. Það er talið á Íslandi að þeir sem hafa þessa veiki geti aldrei orðið annað en drykkjurútar, blaðamenn eða undirkontóristar. (Tilvitnun í Brekkukotsannál líkur.)

Því miður hafa læknavísindi enn ekki fundið upp ráð við dúxaveikinni. En sagt er að færir vísindalegir rannsóknarmenn fullyrði, að ekki sé einusinni hægt að nota dúxa til blaðberastarfs og enn síður snjómoksturs. Þá er dúxum ráðið eindregið frá að reyna sig til sjós, því að un borð í skipi fari þeir sér ævinlega að voða eða verði þess valdandi að aðrir menn hrökkvi fyrir borð, falli marga metra niður á lestargólf og stórslasist.

Í viðurkenndum menningarlöndum á borð við Bandaríkin, Saudi Arabíu og Egyptaland, eru dúxar hafðir á sérstökum hælum þar sem umhverfinu stafar ekki hætta af þeim.

Stærðfræðiséní af Suðurnesjum

Athugasemdir

[Bernharð Hjaltalín, 25.6.2013 kl. 08:33]

Stúlkan er eldklár, leifum henni að blómstra.

[Ragnar Geir Brynjólfsson, 25.6.2013 kl. 09:17]

Þó þessi pistill eigi sennilega að vera fyndinn þá hef ég efasemdir um að grínið sé viðeigandi í þessu samhengi Jóhannes þó það hafi kannski verið það í Brekkukotsannál.

Sjónarmið eins og þau sem hér eru sett fram geta valdið því að hæfileikaríkt ungt námsfólk gefi sér síður lausan tauminn í námi og haldi aftur af sér til að falla inn í hópinn og halda sig nær meðalmennskunni.

Þessi stúlka er því afrekskona í tvennum skilningi, hún er hæfileikarík og hefur hugrekki til að vera það. Það er góð blanda. Til hamingju Birna Helga Jóhannesdóttir og fjölskylda! Haltu áfram á þessari braut og láttu ekki Jóhannesa Ragnarssyni heimsins halda aftur af þér.