Ryan Gosling komst í góða veislu á höfuðborgarsvæðinu.

Það er meiri andskotans hundaheppnin að graddinn Goslingur sé aftur kominn til Íslands. Að fornu máli hefði slíkt kallast hvalreki mikill.

Hitt vita færri, að ekki var Goslingur þessi fyrr lentur á Keflavíkurflugvelli, en hann lét aka sér í loftköstum beint í partý hjá Indriða Handreði og Máríu Borgargagni.

Og á heimili Indriða Handreðs og Máríu Borgargagns var fyrir aldeilis hoppandi hamagangur á Hóli með algjöru nærbuxnaleysi og öðrum framússkarandi ósiðlegheitum. Kolbeinn Kolbeinsson var að vísu fjarverandi, þar eð hann er í sóttkví eftir suddalegt mellustand í Brussel á dögunum. En frú Ingveldu var í partýinu og tók Goslingnum fagnandi og fór með hann rakleitt á náðhúsið og læsti að sér.

Það sem gerði veisluna að heimili Máríu Borgargagns og Handreðsins merkilegi en ella, var að þar voru samankomin ýmis stórmenni bæði lífs og liðin. Dauðadrukkinn miðill sá um að halda virku talsambandi við þá sem farnir eru yfir móðuna miklu, en þeir sem áttu að heita lífs töluðu fyrir sig sjálfir, nema þeir sem lágu hist og her í áfengisdái. Af framliðnu fólki í partýinu má nefna sanna Íslendinga á borð við M. Skonsukall, Herra Akranes, Sigurð Breiðfjörð, Pétur Þríhross, Kristján Fjallaskáld og Jónas Hallgrímsson. En frægastur þeirra sem lágu í brennivínsdái var hið fræga tónskáld GJH, en honum tókst að þessu sinni að vera í einni lotu rænulaus sökum ofdrykkju í fjóra sólarhringa samfleytt.

Gosling kominn aftur á klakann

Athugasemdir

[Árni Gunnarsson, 18.7.2013 kl. 16:06]

Ja, margt hefur maður nú séð og heyrt á langri ævi en það gerir ekki betur en að ég trúi þessu.

Heldurðu að þetta sé ekki eitthvað málum blandað?

[Jóhannes Ragnarsson, 18.7.2013 kl. 18:03]

Ég verð víst að gjöra svo vel að treysta mínum heimilidarmönnum, sem undantekningarlítið segjast hafa verið á vettvangi og séð og heyrt það sem fram fór.

[Níels A. Ársælsson., 18.7.2013 kl. 22:27]

Ha ha ha ha, Árni minn ég var þarna og get staðfest alla þá framliðnu .....

[Jóhannes Ragnarsson, 19.7.2013 kl. 00:18]