Íslands Hrafnistumenn

Mikill snillingur er öðlingurinn Villvill. Alltaf heldur hann áfram í boltanum þrátt fyrir að vera rekinn af velli í hverjum einasta leik. Þett kallar maður þrautsegju, enda er Villivill kominn í beinan karllegg af Hrafnistumönnum og á engar ættir að rekja til írskra þræla né annarra breskra smámenna. En Hrafnistumenn vóru sem kunnugt er, frægustu víkingar fornaldar áður en byggð var á Íslandi.

Elínbrandur Hálogason hét maður, sem uppi var á Vestfjörðum á átjándu öld. Elínbrandur þessi var kominn af þessum hvimleiðu írsku þrælum; var sauðaþjófur, hjallþjófur og hrossaþjófur og át hrosskjöt með hyski sínu eins og algerður villumaður. Þennan mann, ef mann skyldi kalla, tóku vestfirskir afkomendur Hrafnistumanna, frændur Villavill, og hengdu eins og rakka á klettasnös og létu hann hanga þar vikum saman öðrum af írskum þrælaættum til viðvörunar og til að sýna í leiðinni hvað Sannir Íslendingar af ætt Hrafnistumanna væru miklir menn og góðir.

En nú eru semsé Villivill, Þorbjörg Helga og Láfi læknir komin í hörkuslag og alls óvíst á þessari stundu hverjar lyktir munu verða. Þó kæmi mér ekki á óvart þótt dómari leiksins ræki hrafnistukappann Villavill af velli í miðjum klíðum, Láfi félli fyrir borð og Þorbjörg Helga stæði uppi sem sigurvegari, jafnvel þótt hún sé ekki af ættum Hrafnistumanna.

Viðtalið við Þorbjörgu dapurlegt

Athugasemdir

[Austmann,félagasamtök, 18.7.2013 kl. 23:45]

Þú ættir ekki að vera að tala illa um forfeður 80% Íslendinga, Írana og Skotana. Þeir voru mikið betri menn en þessir norsku misyndis- og ofbeldisseggir sem flúðu Noreg með skottið milli lappanna og fóru að stunda viðbjóðslega þrælaverzlun og nauðganir.

[Jóhannes Ragnarsson, 19.7.2013 kl. 00:17]

Getur verið að þú hafir, Austmann, félagasamtök, misskilið eitthvað í pistlinum mínum? Ég nota að vísu tilvísanir í hugarþel íslenskrar valdastéttar í garð þeirra sem þeir néru um nasir að vera af þrælaættum, en það er ekki af því að ég sé að tala um illa um Skota og Íra.

Það er að minnsta kosti mín fjallgrimm vissa, að ég sjálfur sé kominn útaf Skotum og Írum og vil ekkert með frændsemi við glæpamennina og giljagaurana frá Skandinavíu hafa, það er ekki mitt skyldfólk.

[Austmann,félagasamtök, 19.7.2013 kl. 08:43]

Já, ég hef greinilega misskilið þig.