Frú Ingveldur tók til máls við opnun kampavínsklúbbsins

Það verður að skoðast sem hið besta mál á nútímavísu að Stígmóti opni kampavínsklúbb, koníaksstofu og koggakommúnu og eitthvað fleira í sama dúr með léttum og skemmtilegum sögum af nauðgunum og öðrum kynferðisafbrotum. Klámvæðingin lætur nefnilega ekki að sér hæða fremur en syndin, sem er lævís og lipur, og í seinni tíð soldið skæs og gnörruð eins og skáldsaga eftir fullkomlega geðbilaðan listamann á Kleppi.

En kampavínsklúbbur Tomm-mæðgnanna er sem betur fer saklaus grunnhygginn og húmrslaus fíflagangur, sem engann ætti að meiða, þannig að óhætt er að hvetja alla til að ganga í þetta þjóðþrifafélag.

Frú Ingveldur og Máría Borgargagn mættu að sjálfsögðu í kampavínsklúbbinn, báðar með flösku af íslensku brennivíni, svartadauða, í buxnastrengnum, því þeim geðjast ekki að léttgutli og ropvatni eins og kampavíni. Þær helltu gamla dauðanum útí kampavínið og urðu fljótt mjög kampakátar í samkvæmi Tomm-mæðgnanna og fóru að segja mergjaðar klámsögur af sjálfum sér, viðstöddum til óttablandinnar ánægju.

- Ég skal segja ukkar það, sagði frú Ingveldur, að best líður mér eftir að hafa tekið kalldjöfulinn minn slíku ofurhreðjataki að hann spangólar eins og halaklippt tík og neytt hann með því til að vaska upp, skúra og ryksoga. Á eftir fær hann svo stundum smá-hopp hjá mér, náttúrulega eftir minni forskrift.

Þegar frú Ingveldur hafði lokið máli sínu, uppskar hún gríðarlegt lófatak, húrrahróp og blístur áheyrenda. Og Máría Borgargagn tók niðrum sig og sýndi meðlimum kampavínsklúbbsins undur fémínísk tattú á viðkvæmum stöðum, bæði í bak og fyrir.

Opnunarhátíð kampavínsklúbbs Tomm-mæðgnanna varð því það sem kallað er, mjög vel heppnaður viðburður.

Reyndustu konurnar vinsælastar

Athugasemdir

[Austmann,félagasamtök, 16.8.2013 kl. 01:20]

Hafa Stígamót vínveitingaleyfi? Ef ekki, þá verður að kæra þetta athæfi.

[hilmar jónsson, 16.8.2013 kl. 10:44]

Ég er eiginlega gáttaður á pistlinum og kommenti Austmanns.

Er starfsemi Stígamóta ykkur þyrnir í augum ?

Ef svo er, hvers vegna ?

[Jóhannes Ragnarsson, 16.8.2013 kl. 11:16]

Stígamót eru varla svo heilög og hátt yfir allt og alla hafin, að ekki megi gera svolítið grín að uppistandi hjá þeim eins og kampavínsklúbbnum.

Þar fyrir utan, er mér sagt af kunnugum, að Stígamót hafi breyst talsvert frá því að vera grasrótarsamtök yfir í stofnun. Hvort það er til góðs eða til hins verra get ég ekki dæmt um, en ég veit um nokkrar konur sem yfirgáfu Stígamót vegna óheppilegar ákvörðunar þeirra sem þar eru í forystu.

[Austmann,félagasamtök, 16.8.2013 kl. 12:01]

Hilmar:

1. Starfsemi Stígamóta snýst um að aðstoða konur sem tilkynna nauðgun eða kynferðislegt áreiti. Ég hef aldrei heyrt Guðrúnu eða aðrar frá Stígamótum fordæma falskar nauðgunarkærur, sem þó hafa verið nokkrar af og sem grafa undan trúverðugleika þeirra kvenna sem raunverulega er nauðgað. Stígamót er orðið enn eitt öfgafemínistabatteríið.

2. Fyrir nokkrum árum fór kona sem ég þekki sem er af útlenzku bergi brotin til Stígamóta, því að nafngreindur maður hafði verið að neyða hana til samfara sem hún þó gat varizt. Hún fór til Stígamóta til að fá ráðgjöf en það eina sem starfsfólk Stígamóta gerði var að gera gys að henni fyrir að tala ekki góða íslenzku. Þetta höfum við aldrei fyrirgefið Stígamót fyrir.

3. Með þessari uppákomu er Stígamót að gagnrýna kampavínsklúbbana, sem voru kærðir fyrir vændi og mansal. Eftir lögreglurannsókn fundust engar vísbendingar um vændi eða mansal og þá urðu femínistarnir óhressar því að þær vildu að það væri vændi og mansal því að það voru myndir af fáklæddum stúlkum í glugganum og viðskiptavinir borguðu ofurverð fyrir kampavínið. Hins vegar, eins og segir í eldri frétt mbl.is, þá eru þessir kampavínsklúbbar með öll tilskilin leyfi í lagi, bæði til vínveitinga og skemmtanahalds. En hafa Stígamót það? Í þeirri frétt sem færslan er skrifuð við hljómar eins og alvöru kampavín var selt og á myndinni eru alvöru peningar en ekki Monopoly-peningar. Þá spyr ég aftur: Höfðu Stígamót sótt um og fengið leyfi til vínveitinga, skemmtanahalds og uppboðs, eða ekki? Og ef Jón Gnarr var viðstaddur og vissi af þessu, hver er þá staða hans nú í þessu máli?

Allir verða að lúta sömu lögum og Stígamót eru ekki hafin yfir lög og reglur.