VG í vargakjafti öfgafeminista

Á landsfundi VG liggja fyrir drög að samþykkt, sem ber yfirskriftina "Aðgerðir til kvenfrelsis". Er þar skemmst frá að segja, að sjaldan hef ég séð annað eins bull. Það er engu líkara en þar hafi um vélt samansafn af rauðvínsdrukkum kerlingum úr efri-millistétt, sem á hátíðarstund hafa kjaftað sig upp í rjáfur heimsku og vitleysu.

Í þessum framúrskarandi drögum er talað fjálglega um "kynjakerfi samfélagsins" sem takmarki aðgengi kvenna að völdum og fjármagni. Svona orðbragð segir mér það eitt, að þarna séu á ferð kvinnur sem ekki eru af alþýðustandi og raunar væri hvaða atvinnurekandi sem er, eða samtök atvinnurekenda, fullsæmdur af svona valda- og fjármagnstalsmáta.

En mestu flugi ná þó hinar öfgafullu efri-millistéttarkerlingar í VG þegar þær leggja til, að bundið verði í stjórnarskrá að jafnt hlutfall karla og kvenna sitji á Alþingi og í sveitarstjórnum og að lögbundið verði jafnt hlutfall sömu kynja í stjórnum fyrirtækja. Svo hnýta þær aftan í þennan kafla hugaflugsins, magnaðri yfirlýsingu á nauðsyn þess að koma á "kynjaðri fjárlagagerð".

Síðar í drögunum er lagt til, "að karlar sem beita ofbeldi verði fjarlægðir af heimilum". En hvað með konur sem beita ofbeldi? Er ekki tilvalið að afgreiða þær á sama hátt og ofbeldiskarlana. Um þá hlið málsins er ekki minnst einu orði eins og sá möguleiki sé ekki fyrir hendi.

Loks brydda blessaðar frúrnar upp á því nýmæli að nauðsynlegt sé að "koma á kynjafræðikennslu á öllum skólastigum".

Eftir lestur draga efri-millistéttarkerlinganna í VG, er farinn að læðast að mér grunur um að umræddar kvinnur hafi einhvenrtímann í ósköpunum komist að þeirri niðurstöðu að karlar og konur séu fráleitt af sömu dýrategundinni, ekki fremur en fálki og rjúpa.

Ég verð að segja eins og er, að mér er hulið hvernig samsetningur á borð við drög að "Aðgerðum til kvenfrelsis" hafa komist inn á landsfund VG. Datt engum heilvita manni að stoppa þessa vitleysu af, eða hvað? Ég skil t.d. ekki, af hverju formaður flokksins, Steingrímur J. Sigfússon kom ekki veg fyrir svona uppákomu, annað eins hefur hann tekið sér fyrir hendur. Eða er hann sammála bullinu í efri-millistéttarkerlingunum?

Athugasemdir

[Einar Sigurjón Oddsson, 24.2.2007 kl. 23:48]

Skemmtilegur pistill. Hvet þig til þess að skrifa meira.

[Haukur Nikulásson, 25.2.2007 kl. 09:01]

VG er orðinn að öfgafullum femínistaflokki. Sem er kannski bara ágætt fyrir þá sem ætla að keppa við þá um hylli kjósenda. Margt í umræðunni hjá þeim ber merki um að ræða megi andlegt atgervi sumra þeirra.

[Guðmundur G. Hreiðarsson (IP-tala skráð) 25.2.2007 kl. 12:01]

Eru ekki einhver meðferðarúrræði til handa þessum "femínistum"? Bandarríkjamenn voru með á sínum tíma með s.k. Denazificationprogram sem tók 6-12 mánuði, eftir því hvað fólk var langt leitt í ruglinu. Sagan sýnir svart á hvítu að það virkaði nokkuð vel.