Keimlík eldamennskubrögð Máríu Borgargagns og Nigellu Lawson.

Auðvitað hefi lengi haft á tilfinningunni að eitthvað væri bogið við frú Nigellu. Þegar ég hefi séð hana að störfum í sjónvarpinu er ekki laust við að um mig hafi farið andstyggilegur aulahrollur því eldamennska frú Nigellu minnir fremur á klaufskan nautgripafóðurmeistara en boðlegan matsvein. En nú er sem sé komið uppúr dúrnum að kerlingarskömmin hefir einlægt verið uppdópuð eins og stríðskokkur þegar hún hefur staðið við potta sína í beinni sjónvarpsútsendingu.

Þetta framferði Nigellu minnir um margt á eldamennskubrögð Máríu Borgargagns þegar hún matreiddi graðhestajafninginn ofaní Indriða Handreð, sjálfa sig og Brynjar Vondulykt. Þá var borgargagnið í svo annarlegu ástandi, að hún stráði skúripúlveri útí graðhestajafninginn og braggðbætti hann síðan með byskubsrósarolíu. Af þessum rétti fengu þau heiftarlegar innantökur og Brynjar Vondalykt gerði í buxurnar og ældi eins og magaveikur hundur í blómapott í stofu handreðsins og Máríu.

Af þessu má sjá, að mjög er áríðandi að þeir sem sjá um eldamennsku séu alsgáðir, spikk og span, og muni eftir að þvo sér um höndurnar eftir að þeir hafa gengið örna sinna áður en þeir ganga til potta sinna og hefja matreiðslu.

Segir Nigellu hafa neytt fíkniefna