Grilló systur eru í miklum tengslum við Ísland

Það kvað vera askotans óskapar töggur í þeim Grillósystrum. Þær eru og sagðar slóttugar og fégjarnar eiturpöddur, og síðast en ekki síst, þá eru þær flokksbundnar í Framsóknarflokknum á Íslandi. Semsagt hroðaleg kvendi, sálarlausar, þjófóttar og lygnar.

Það er ekki amalegt fyrir Framsóknarflokkinn að hafa önnur eins djásn og systurnar Grilló innan sinna vébanda og víst er að þær falla eins og flís við rass söfnuði gömlu Framsóknarmaddömunnar.

Af Framsóknarmaddömunni er það helst að frétta, að hún er á sífelldum þönum milli Sauðárkróks og Hornafjarðar þrátt fyrir að vera lærbrotin og með lúngnaþembu, oftast fótgangandi í sauðskinnskóm. Þó er hún samt ekki svo heillum horfin, að hún gefi sér ekki tíma til að gamna sér með ungu framsóknarstrákunum, sem þykir hinn mesti heiður að fá að leggjast með gömlu konunni þó hún sé illa lyktandi og hálf blind.

En nú eru framsóknartelpurnar Grilló væntanlegar til Sauðárkróks um áramótin til að fara að vinna í kaupfélaginu þar. Ekki er það í kot vísað því kaupfélagstjórinn þar er eðalgripur og afburða gifturíkur og í miklum metum hjá gömlu maddömunni ekki síður en Finnur og Halldór, Bingi og Óli í Samskip.

Nigella sögð vera „síbrotamaður“