Jóhannes Ragnarsson

29.11.2013 | 12:09

Yfirnáttúrlegir péééníngar Framsóknarmaddömunnar og kögunarbarnsins

Já peéénígarnir skohh ... pénígarnir. Hvaðan koma pénígarnir? Það er von að Gvendur V. spyrji eins og leikskólapiltur. Hvaðan koma péníngarnir sem fjárglæframenn Framsóknarflokksins ætla sér að fleygja í eyðsluseggi og skuldakónga? Auðvitað vita framsóknarforkólfarnir það ekki, að öðru leyti en því að ekki ætla Finnur Ingólfs, Halldór Ásgríms, gifturíki kaupfélagsstjórinn á Sauðárkróki, Kögunarkallinn, Ólafur bóndi á Miðhrauni, Sigurður Einarssons bánkaséní og Hallur Magnússon að leggja til eina einustu krónu í púkkið til gottgjörelsis skuldugum eyðsluseggjum, sem fóru offari kortér fyrir Hrun.

Helst er að skilja á kögunardrengnum, sem kalhæðni örlaganna hefur gert að forsætisráðherra á Íslandi, að péééníngarnir sem hann ætlar að fleyja í eyðsluseggi framasóknarogíhaldsgóðærisins muni falla af himnum ofan, enda séu umræddir péníngar sömu náttúru og loftpéníngarnir sem voru í umferð og kættu margan manninn í góðærinu sáluga. Auðvitað veit kögunarpilturinn mæta vel, að komi hann ekki yfirnáttúrlegum péníngum til hinna skuldugu, verði hann og aðrir húskarlar gömlu Framsóknarmaddömunnar að skríða öfugir ofaní fjóshauginn mikla við Framsóknarfjósið og heilsa sjálfrar maddömunnar hraki svo mjög að hún láti í annað sinn lífið og þá til frambúðar. Og ef Framsóknarmaddaman andast fyrir fullt og fast er úti um gullgerðarvélina, sem malað hefur stórmennum Framsóknarflokksins auðæfi í nafni samvinnuhugsjónarinnar.