Haffi frænka slær í gegn

Sama er mér hvort Vódafónn er sekur um lögbrot eða ekki og má Fjandinn sjálfur fyrir mér skera úr því auðvirðilega deilumáli.

Þá er nær að geta þess, að eftir aðalfund Landsambands sjáfstæðiskvenna hélt frú Ingveldur gríðarlega fínt boð heima hjá sér og bauð í það mörgu stórmenni og stórkvendi. Meðal gesta var frændi frú Ingveldar, sem hún kallar einlægt Haffa frænku sökum kvennlega gelgjulegs útlits frændans.

Þegar líða tók á samkvæmið fór Haffi frænka heldur betur að færa sig uppá skaftið og sýndi gestum svo um munaði hvað í honum býr. Hann fór einn inná salerni með sambýlingunum Máríu Borgargagni og Indriða Handreði og kom út aftur nakin að neðanverðu og hljóp þá beint aftaná Brynjar Vondulykt, sló höndum framfyrir hann og greip hann laglegu hreðjartaki svo Vondalyktin veinaði af sársauka. Þar á eftir var Haffi frænka lagstur við hliðina á Óla Apaketti, sem lá í öngviti í hjónarúmi frú Ingveldar og Kolbeins. Þar kom Vigga sleggja, sambýliströll Haffa frænku, að honum við heldur ósæmilega iðju. Sem betur fer var Vigga slegga svo alsgáð, að hún sá að við svo búið mátti ekki standa, reif sambýling sinn framúr rúminu og pakkaði honum saman eins og blautu handklæði og hafði sig á brott með hinn ódæla sambýling sinn.

En hvað sem má um málavöxtu segja að öðru leyti, þá var góður rómur gerður að tiltektum Haffa frænku af hálfu þeirra frú Ingveldar og Kolbeins og báðu þau Viggu sleggju þess lengstra orða að koma fljótlega aftur í heimsókn með frænkuna með sér til að sannreyna hvort meiri töggur leyndist ekki með blessuðum öðlingnum Haffa frænku.

Meðfylgjandi mynd, sem tekin var í sumar sem leið, er af sambýlingunum Viggu sleggju og Haffa frænku.

Ágreiningur um meint lögbrot Vodafone