Gróðasjúkir og urrandi sjakalar við dyr samneyslunnar

Ekki vantar að uppi sé typpið á einkavæðingarsjakölunum, sem hafa gert sér að lífshugsjón að græða pénínga á sjúklingum, öryrkjum og gamalmennum. Þessir ömurlegu sjakalar hafa um hríð staðið urrandi við hverjar dyr þar sem farið er með þann hluta af skattfé landsmanna, sem rennur í heilbrigðis- og félagsmál. Og í stað þess að reka þessi óargadýr útí ystu myrkur, er þeim hleypt í sameiginlega sjóði almennings og þeim hampað eins og nýtum þjóðfélagsþegnum, sem þeir eru sko aldeilis ekki. Það væri nær, að einkavæðingarsjakalarnir fengju að minnsta kosti sömu meðhöndlun hér á landi og vargfugl og meindýr, enda eru hinir fyrrnefndu til langtum meiri óþrifa fyrir samfélagið en þeir síðarnefndu.

Og það er vægast sagt óhugnanlegt að fá fréttir af því að samherjinn Kristján Þór Júlíusson, sem óhamingja Íslands hefur gert að heilbrigðisráðherra, hyggist sitja blaðamannafund seinna í dag með einum að hinum forhertu einkavæðingarsjakölum, sem berst um á hæl og hnakka við að smjúga inní sameiginlega sjóði landsmanna til að græða á sjúklingum og ellilífeyrisþegum. Raunar kemur þetta framferði ráðherrans ekki á óvart þegar haft er í huga hvernig hann er innréttaður og hve skelfing lítið hann hefur lært af Hruninu, sem óaldarsamtökin sem hann heyrir til stóðu fyrir.

Á morgun er næsta víst að ofangreind ráðherranefna og strengjabrúða öfgafyllsta auðvaldsins, muni sitja við hliðina á frú Ingveldi, Haffa frænku, Brynjari Vondulykt og Óla Apaketti þegar þau kynna sitt dörtýtrix við að sjúga fjármagn útúr ríkissjóði til einkanota undir yfirskyni mannúðar, útsjónasemi, einkaframtaks og dugnaðar. En þetta fræga fólk hefur stofnað fyrirtæki, sem þau kalla Auminginn ehf. og er ætlað að vera gróðavænlegur milliliður á kostnað skattgreiðenda í að ,,þjónusta" gamalmenni, öryrkja og dauðvona sjúklinga.

Broadway breytt í læknamiðstöð

Athugasemdir

[Anna Sigríður Guðmundsdóttir, 5.12.2013 kl. 12:04]

Ekkert veit ég um þetta fyrirhugaða sjúkra-hugmyndahótel.

En ég fann eitt sinn út að sinnum.is á Sankti Jósefsspítala!

Hvernig væri að birta almenningi (sem eru þegnar/skattgreiðendur ríkis), fyrirhugað plan um hvað á að gera við Þennan kærleiks-spítala í Hafnarfirði? Sem átti upphaflega að vera sjúkrahús og skóli, og var byggður til þess, en ekki til að láta þessa dýrmætu gjöf drabbast niður af helsjúku og guðlausu peningarstjórnsýslu-kerfi Alþjóðabankans!

M.b.kv.

[Jóhannes Ragnarsson, 5.12.2013 kl. 12:20]

Það vakir ekkert fyrir þessum kærleiksríku einkavæðingarsnillingum annað en að sjúga peninga útúr ríkissjóði og sveitarfélagasjóðum. Þetta eru óþarfa milliliðir, sem á að stugga á brott um leið og þeir sýna á sér trýnið.