Einkennileg upphefð Óla Apakattar gerir hann ekki sjálfkrafa að persónu, öðru nær

Það er góð spurnig hvort api geti verið persóna. Á Íslandi eigum við einungis einn raunverulega og ekta apa, þ.e. fígúruna Óla Apakött. Eg gerð væri skoðannakönnum um hvort Óli Apaköttur sé persóna myndu flestallir svara neitandi, því Óli Apaköttur er þeirrar gerðar að enginn vitborinn maður vill fallast á að vera af sömu dýrategund og það óféti.

En þá kemur að því undarlegasta við Óla Apakött, sem fáir telja persónu og því síður manneskju, að hann er í miklum metum á betri bæjum auðvaldsins. Ástæðan fyrir upphefð Óla meðal kapítalista virðist vera skammarleg ósvífni hans og siðleysi, frekja, heimska og illkvittni, en af þeim eiginleikum er nóg til í heilabúi Óla Apakattar.

Sú nöturlega staðreynd, að Óli Apaköttur þyki sjálfsagður aufúsugestur í svallveislum frú Ingveldar og Kolbeins Kolbeinssonar skrifstofustjóra og í óhagganlegu fóstbræðralagi við deliranta á borð við Brynjar Vondulykt og Haffa frænku, sýnir svo ekki verður um villst í hverskonar öngstræti auðvaldið á Íslandi er komið. Þegar svo er komið, að íslensk borgarastétt lætur sér ekki nægja að setja allt sitt traust á tvo heimskufulla bófaflokka heldur sér hún ástæðu til að klappa peningapervertinum Óla Apaketti sérstaklega á kollinn, er ljóst að endalok hennar eru skammt undan og er það vel.

Að öllu samanlögðu má ljóst vera, að Óli Apaköttur og hans líkar eru ekki persónur, það er að segja mannlegar verur, heldur skrípi og um leið raunsönn birtingarmynd úrkynjaðrar borgarastéttar og örvæntingarfulls dólgakapítalisma.

Getur api verið persóna?