En það er annað og mun alvarlegra sem Nígélla má skammast sín fyrir

Látum vera þótt Nígélla hafi brúkað kókaín og kannabis til stytta sér stundir og safna kröftum til að berjast og slást við skrattakollinn Saatchi, þann auma fant. En það er annað öllu alvarlegra sem Nígélla hefur á samviskunni, en það er að vera flokksbundin í Framsóknarflokknum á Íslandi, fyrir það má hún skammast sín eins og hundur, sem hefur gert stykkin sín á kodda húsbónda síns.

Tildrög þess að Nígélla gekk í Framsóknarflokkinn eru nokkuð á reiki, en eftir því sem heimildir segja kynntist hún íslenskum uppgjafarnámsmanni í Englandi, þegar hún var hátt uppi af ölvun og kóki, og hafi sá óprúttni drengur fíflað Nígéllu til að gangast Framsóknarflokknum á hönd. Í dag segir hún, að vera sín í þessum óyndislega íslenska bófaflokki hafi hrundið sér útí botnlaust spillingardýki og hafi kókaín- og kannabisnautn hennar aukist um mörghundruð prósent eftir inngönguna í Framsóknarfjósið.

Raunir Nígéllu ættu að hafa uppbyggjandi áhrif á íslenska kjósendur; þeir ættu nú að sjá hverskonar höfuðskandall og fábjánaháttur það er, að kasta dýrmætum atkvæðum á samtök spillingarsinna. En því miður er ekki að sjá að Íslendingar séu í þann veginn að átta sig á hver óvinur þeirra er, ef svo væri fengju bófaflokkar Framsóknar og Sjálfstæðis ekki eitt einast atkvæði í kosningum eða skoðannakönnunum. Að lokum er vert að geta þess, að Framsóknarflokkurinn og framsóknarmennskan hefur ýtt meir en nokkuð undir blygðunarlaust lauslæti og nærbuxnaleysi á Íslandi, - það eitt og sér segir meir en digur vísindarit í mörgum bindum um þessi hroðalegu samtök andstyggðarinnar.

Ekki stolt af fíkniefnaneyslunni

Athugasemdir

[Hrafn Arnarson, 5.12.2013 kl. 15:56]

Heimildir um að Nígélla hafi gengið íFramsóknarflokkinn tel ég ekki áreiðanlegar. Samkvæmt virtum breskum blöðum sagði hún orðrétt:"'I have never been a drug addict,'".Þetta útilokar að sjálfsögðu að hún hafi gengið í þann flokk. Með vinsemd.

[Jóhannes Ragnarsson, 5.12.2013 kl. 16:09]

Þetta er allt hið undarlegasta mál. Það er óskandi fyrir Nígéllu, að þessi orðrómur um að hún sé í Framsóknarflokknum sé ósannur.