Ljótu helvítis fíflin

Það eru ljótu helvítis ekkisens fíflin, sem eru að verki þarna í Kænugarði. Ef heldur sem horfir, ætti félagi Pútín ekki að hika öllu lengur við að fara með óvígan her inní Úkraínu og innlima þetta ólánssama land inní Rússland og reka fíflin úr landi og allar götu til Andskotans.

Og að ráðast á styttu af félaga Lenín, sýnir svo ekki verður um villst hve skríllinn á götum Kænugarðs er mökkruglaður og viti sínu fjær af ómengaðri heimsku. Því miður er félagi Jósef Stalín illa fjarri um þessar mundir, en hann hefði aldeilis látið þessa ólmu ofbeldisseggi finna rækilega til tevatnsins. En ef einhver mannskapur í Pútín karlinum verður hann að láta til skarar skríða ekki síðar en í kvöld og bjarga þar með friðsömu fólki í Úkraínu frá frekari óþægindum.

Lenín-styttan rifin niður í Kíev

Athugasemdir

[Jóhannes B Pétursson, 8.12.2013 kl. 19:24]

Sæll Nafni

Vinur þinn Jósef Stalín framdi þjóðarmorð á  Úkraínu mönnum árin1932 til 1933 með að svelta þá í hel. Milljónir manna féllu úr hungri, börn gamalmenni voru þar engin undantekning.

Það má að mörgu leyti bera saman að jöfnu Jósef Stalín og Hitler hvað mannslíf snertir.

Eftir þetta hafa Úkraínumenn aldrei fyrirgefið Rússum.

Getur séð link hér að neðan, ekki fyrir viðkvæma að skoða.

http://www.youtube.com/watch?v=wIhixcUEq50

Vinur þinn Putin veit meira um þessi morð, kanski að þú sendir honum línu ?

Hann var nokkuð háttsettur hjá KGB og ætti að geta frætt þig um þetta, mun betur en ég.

Svo er enn verið að rökræða hvort félagi Stalín hafi eitrað fyrir Lenín til að komast til valda, en það er annað mál.

Í þessu máli takast á við innfluttir Rússar og Úkraínumenn.

Svo má kanski segja að maður sjái kanski örlítið af KGB meðali þegar  við skoðum hvernig er farið með fyrrum forsetisráðherra Úkraínu Yulia Tymoshenko.

http://www.youtube.com/watch?v=Fe_Ixd-TY84

Bestu kveðjur.

Jóhannes

[Jóhannes Ragnarsson, 8.12.2013 kl. 19:38]

Stalín framdi ekkert helvítis þjóðarmorð á Úkraínumönnum, þó það sé ein af uppáhaldslygum auðvaldspervertana í heiminum.

Svo má ekki gleyma að það var Rauði herinn undir forystu félaga Stalíns, sem kvað nasistaógnina og Hitler niður og sigraði í síðari heimstyrjöldinni. Allar staðhæfingar auðvaldspervertana um mannslíf á ábygð félaga Stalíns eru staðlausir stafir og ómerkilegur áróður, sem dæmir sig sjálfur.